ਰੇਲਗੱਡੀ ‘ਚ ਸਫਰ ਕਰਨ ਵਾਲੇ ਹੋ ਜਾਣ ਸਾਵਧਾਨ! ਤੁਹਾਨੂੰ ਮੁਸ਼ਕਿਲਾਂ ਦਾ ਕਰਨਾ ਪਵੇਗਾ ਸਾਹਮਣਾ, ਪੜ੍ਹੋ ਪੂਰੀ ਖਬਰ

ਗੁਰੂਹਰਸਹਾਏ : ਫ਼ਿਰੋਜ਼ਪੁਰ ਤੋਂ ਹਨੂੰਮਾਨਗੜ੍ਹ ਨੂੰ ਚੱਲਣ ਵਾਲੀ ਇੰਟਰਸਿਟੀ ਟਰੇਨ ਨੰਬਰ 14601-14602 ਹਨੂੰਮਾਨਗੜ੍ਹ ਵਿੱਚ ਰੇਲਵੇ ਦੇ ਕੰਮ ਕਾਰਨ 20 ਤੋਂ 30 ਜਨਵਰੀ ਤੱਕ ਬੰਦ ਰੱਖੀ ਜਾ ਰਹੀ ਹੈ।ਇਸ ਸਬੰਧੀ ਉੱਤਰੀ ਰੇਲਵੇ ਕਮੇਟੀ ਗੁਰੂਹਰਸਹਾਏ ਦੇ ਸਮੂਹ ਮੈਂਬਰਾਂ ਅਤੇ ਉੱਤਰੀ ਰੇਲਵੇ ਕਮੇਟੀ ਜ਼ੋਨਲ ਦੇ ਸੀਨੀਅਰ ਮੀਤ ਪ੍ਰਧਾਨ ਚਰਨਜੀਤ ਸਿੰਘ ਮੱਕੜ ਨੇ ਰੇਲ ਮੰਤਰੀ ਅਸ਼ਵਨੀ ਵੈਸ਼ਨਵ ਨਾਲ ਮੁਲਾਕਾਤ ਕੀਤੀ। ਰੇਲਵੇ ਬੋਰਡ ਦੇ ਚੇਅਰਮੈਨ ਅਤੇ ਉੱਤਰੀ ਰੇਲਵੇ ਦੇ ਜਨਰਲ ਮੈਨੇਜਰ ਤੋਂ ਮੰਗ ਕੀਤੀ ਗਈ ਹੈ ਕਿ ਇਸ ਰੇਲ ਗੱਡੀ ਨੂੰ ਫ਼ਿਰੋਜ਼ਪੁਰ ਛਾਉਣੀ ਤੋਂ ਸ੍ਰੀ ਗੁਰੂਹਰਸਹਾਏ ਤੱਕ ਜਾਰੀ ਰੱਖਿਆ ਜਾਵੇ ਤਾਂ ਜੋ ਫ਼ਿਰੋਜ਼ਪੁਰ ਤੋਂ ਸ੍ਰੀਗੰਗਾਨਗਰ ਜਾਣ ਵਾਲੇ ਯਾਤਰੀਆਂ ਨੂੰ ਸਹੂਲਤ ਮਿਲ ਸਕੇ |

ਇੱਥੇ ਦੱਸਣਾ ਜ਼ਰੂਰੀ ਹੈ ਕਿ ਪਹਿਲਾਂ ਇਹ ਰੇਲਗੱਡੀ ਫ਼ਿਰੋਜ਼ਪੁਰ ਛਾਉਣੀ ਤੋਂ ਸ੍ਰੀਗੰਗਾਨਗਰ ਤੱਕ ਹੀ ਚੱਲਦੀ ਸੀ ਅਤੇ ਇਹ ਰੇਲ ਗੱਡੀ ਫ਼ਾਜ਼ਿਲਕਾ, ਅਬੋਹਰ ਰਾਹੀਂ ਰਾਜਸਥਾਨ ਨੂੰ ਜੋੜਦੀ ਹੈ।ਕੈਂਸਰ ਦੇ ਮਰੀਜ਼ ਵੀ ਇਸ ਰੇਲਗੱਡੀ ਰਾਹੀਂ ਬੀਕਾਨੇਰ ਹਸਪਤਾਲ ਜਾਂਦੇ ਹਨ। ਲੋਕਾਂ ਨੇ ਮੰਗ ਕੀਤੀ ਕਿ ਇਸ ਰੇਲ ਗੱਡੀ ਨੂੰ ਰੱਦ ਕਰਨ ਦੀ ਬਜਾਏ ਇਸ ਨੂੰ ਆਮ ਲੋਕਾਂ ਅਤੇ ਮਰੀਜ਼ਾਂ ਦੀ ਸਹੂਲਤ ਲਈ ਚਲਦਾ ਰੱਖਿਆ ਜਾਵੇ।