ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਦੇ ਵਕੀਲ ਨੂੰ ਸ਼ਾਤਰ ਨੇ ਇੰਝ ਠੱਗਿਆ

ਚੰਡੀਗੜ੍ਹ : ਵਾਹਨ ਆਨਲਾਈਨ ਵੇਚਣ ਦੇ ਨਾਂ ‘ਤੇ ਫੌਜੀ ਅਫਸਰ ਦੱਸ ਕੇ ਆਗਰਾ ‘ਚ ਤਾਇਨਾਤ ਹੋਣ ਦੀ ਗੱਲ ਕਹਿ ਕੇ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਦੇ ਵਕੀਲ ਪ੍ਰਸ਼ਾਂਤ ਸੇਠੀ ਨਾਲ ਪੰਜ ਹਜ਼ਾਰ ਰੁਪਏ ਦੀ ਠੱਗੀ ਮਾਰੀ ਹੈ। ਆਨਲਾਈਨ ਸਾਈਟ ‘ਤੇ ਫੌਜ ਦੀ 2011 ਮਾਡਲ ਦੀ ਆਲਟੋ ਕਾਰ ਨੂੰ ਦੇਖ ਕੇ ਵਕੀਲ ਨੇ ਸੰਪਰਕ ਕੀਤਾ ਸੀ। ਪਹਿਲਾਂ ਮੁਲਜ਼ਮ ਨੇ ਵਕੀਲ ਦਾ ਭਰੋਸਾ ਜਿੱਤਣ ਲਈ ਫੌਜ ਦੀ ਵਰਦੀ ‘ਚ ਆਪਣੀ ਫੋਟੋ ਭੇਜੀ ਤੇ ਵ੍ਹਟਸਐਪ ‘ਤੇ ਪਛਾਣ ਪੱਤਰ ਵੀ ਭੇਜਿਆ।

ਇਸ ਤੋਂ ਬਾਅਦ ਉਸ ਨੇ ਵਕੀਲ ਸੇਠੀ ਤੋਂ ਬੁਕਿੰਗ ਵਜੋਂ 5 ਹਜ਼ਾਰ ਰੁਪਏ ਐਡਵਾਂਸ ‘ਚ ਆਪਣੇ ਖਾਤੇ ‘ਚ ਟਰਾਂਸਫਰ ਕਰਵਾ ਲਏ। ਬਾਅਦ ‘ਚ ਵਿਸ਼ਿਸ਼ਟ ਨੇ ਆਪਣਾ ਮੋਬਾਈਲ ਬੰਦ ਕਰ ਦਿੱਤਾ। ਕਈ ਵਾਰ ਕੋਸ਼ਿਸ਼ ਕਰਨ ‘ਤੇ ਵੀ ਜਦੋਂ ਨੰਬਰ ਨਹੀਂ ਮਿਲਿਆ ਤਾਂ ਵਕੀਲ ਨੇ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ। ਇਸ ਤੋਂ ਬਾਅਦ ਸਾਈਬਰ ਸੈੱਲ ਨੇ ਜਾਂਚ ਤੋਂ ਬਾਅਦ ਪੁਲਿਸ ਕੇਸ ਦਰਜ ਕੀਤਾ ਗਿਆ ਹੈ।