ਸੁਰਖੀਆਂ ‘ਚ ਕੇਂਦਰੀ ਜੇਲ੍ਹ, ਅੰਦਰੋਂ ਮਿਲ ਰਹੀਆਂ ਹਨ ਇਹ ਵਸਤੂਆਂ

ਫ਼ਿਰੋਜ਼ਪੁਰ : ਕੇਂਦਰੀ ਜੇਲ੍ਹ ਫ਼ਿਰੋਜ਼ਪੁਰ ਵਿਚ ਸੁਪਰਡੈਂਟ ਸਤਨਾਮ ਸਿੰਘ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਚਲਾਏ ਗਏ ਸਰਚ ਅਭਿਆਨ ਦੌਰਾਨ ਜੇਲ੍ਹ ਸਟਾਫ਼ ਨੇ 7 ਮੋਬਾਈਲ ਫ਼ੋਨ, ਡਾਟਾ ਕੇਬਲ ਅਤੇ ਅਡਾਪਟਰ ਬਰਾਮਦ ਕੀਤੇ ਹਨ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਥਾਣਾ ਸਿਟੀ ਫ਼ਿਰੋਜ਼ਪੁਰ ਦੇ ਸਬ-ਇੰਸਪੈਕਟਰ ਸਰਵਣ ਸਿੰਘ ਨੇ ਦੱਸਿਆ ਕਿ ਪੁਲਿਸ ਨੂੰ ਭੇਜੇ ਲਿਖਤੀ ਪੱਤਰ ਵਿੱਚ ਜੇਲ੍ਹ ਪ੍ਰਸ਼ਾਸਨ ਨੇ ਦੱਸਿਆ ਹੈ ਕਿ ਤਲਾਸ਼ੀ ਦੌਰਾਨ ਕੈਦੀ ਸੋਮਨ ਅਤੇ ਕੈਦੀ ਰਾਜ ਸਿੰਘ, ਅਰਸ਼ਪ੍ਰੀਤ, ਬਲਜਿੰਦਰ ਸਿੰਘ, ਵਿਜੇ ਕੁਮਾਰ, ਕੈਦੀ ਰਿਸ਼ੂ ਅਤੇ ਕੈਦੀਆਂ ਕੋਲੋਂ ਗੁਰਮੀਤ ਸਿੰਘ ਕੋਲੋਂ 6 ਕੀਪੈਡ ਮੋਬਾਈਲ ਫ਼ੋਨ, ਇੱਕ ਟੱਚ ਸਕਰੀਨ ਮੋਬਾਈਲ ਫ਼ੋਨ ਚਾਰ ਡਾਟਾ ਕੇਬਲ ਅਤੇ ਇੱਕ ਅਡਾਪਟਰ ਬਰਾਮਦ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਪੁਲਿਸ ਥਾਣਾ ਸਿਟੀ ਫ਼ਿਰੋਜ਼ਪੁਰ ਨੇ ਉਕਤ ਨਾਮੀ ਕੈਦੀ ਅਤੇ ਹਵਾਲਾਤੀ ਖਿਲਾਫ਼ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਕੀਤੀ ਜਾ ਰਹੀ ਹੈ |