ਪੰਜਾਬੀ
ਵਿਦਿਆਰਥੀਆਂ ਨੇ ਸਕੂਲ ਫਾਰ ਡੈੱਫ ਐਂਡ ਡੰਬ ਚਿਲਡਰਨ ਵਿੱਚ ਮਨਾਈ ਕ੍ਰਿਸਮਸ
ਲੁਧਿਆਣਾ : ਖਾਲਸਾ ਕਾਲਜ ਦੇ ਆਫਿਸ ਮੈਨੇਜਮੈਂਟ ਅਤੇ ਰੈੱਡ ਰਿਬਨ ਕਲੱਬ ਦੇ ਵਿਦਿਆਰਥੀਆਂ ਨੇ ਕ੍ਰਿਸਮਸ ਦਾ ਜਸ਼ਨ ਇੱਕ ਵਿਸ਼ੇਸ਼ ਤਰੀਕੇ ਨਾਲ “ਹਰ ਬੱਚਾ ਵਿਸ਼ੇਸ਼ ਹੈ” ਦੇ ਮੰਤਵ ਨਾਲ ਮਨਾਇਆ। ਨੋਡਲ ਅਫਸਰ ਸ਼ੀਤਲ ਸੋਈ ਦੇ ਨਾਲ 20 ਦੇ ਕਰੀਬ ਵਲੰਟੀਅਰਾਂ ਨੇ ਲੁਧਿਆਣਾ ਦੇ ਹੰਬੜਾਂ ਵਿੱਚ ਸਥਿਤ ਵਿਸ਼ੇਸ਼ ਸਕੂਲ ਫਾਰ ਡੈਫ ਐਂਡ ਡੰਬ ਚਿਲਡਰਨ ਦਾ ਦੌਰਾ ਕੀਤਾ।
ਵਲੰਟੀਅਰਾਂ ਨੇ ਕੇਕ ਕੱਟ ਕੇ ਕ੍ਰਿਸਮਸ ਦਾ ਜਸ਼ਨ ਮਨਾਇਆ। ਇਨ੍ਹਾਂ ਵਿਸ਼ੇਸ਼ ਬੱਚਿਆਂ ਵਿੱਚ ਨੋਟਬੁੱਕਾਂ, ਪੈਨਸਿਲਾਂ, ਕੂਕੀਜ਼, ਚਾਕਲੇਟਾਂ, ਟੌਫੀਆਂ ਅਤੇ ਹੋਰ ਸਟੇਸ਼ਨਰੀ ਅਤੇ ਭੋਜਨ ਦੀਆਂ ਚੀਜ਼ਾਂ ਵੰਡੀਆਂ। ਇਨ੍ਹਾਂ ਵਿਸ਼ੇਸ਼ ਬੱਚਿਆਂ ਅਤੇ ਉਨ੍ਹਾਂ ਦੇ ਨਿਰਦੋਸ਼ ਚਿਹਰਿਆਂ ਦੀ ਸੰਕੇਤਕ ਭਾਸ਼ਾ ਨੇ ਉੱਥੇ ਮੌਜੂਦ ਹਰ ਦਿਲ ਨੂੰ ਛੂਹ ਲਿਆ।
ਕਾਲਜ ਪ੍ਰਿੰਸੀਪਲ ਡਾ.ਮੁਕਤੀ ਗਿੱਲ ਨੇ ਸ਼ੀਤਲ ਸੋਈ ਨੋਡਲ ਅਫਸਰ ਵੱਲੋਂ ਨੌਜਵਾਨਾਂ ਨੂੰ ਅਜਿਹੇ ਨੇਕ ਕੰਮ ਵਿੱਚ ਪ੍ਰੇਰਿਤ ਕਰਨ ਅਤੇ ਸ਼ਾਮਲ ਕਰਨ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ।
Facebook Comments
