ਹਿਮਾਚਲ ਦੀ ਅਟਲ ਸੁਰੰਗ ‘ਤੇ ਪਹੁੰਚੇ ਰਿਕਾਰਡ ਸੈਲਾਨੀ, 38 ਦਿਨਾਂ ‘ਚ 92 ਹਜ਼ਾਰ ਸੈਲਾਨੀਆਂ ਨੇ ਕੀਤਾ ਦੌਰਾ

ਹਿਮਾਚਲ ਵਿੱਚ 13058 ਫੁੱਟ ਉੱਚੀ ਰੋਹਤਾਂਗ ਦੱਰੇ ਦੇ ਹੇਠਾਂ ਬਣੀ ਅਟਲ ਸੁਰੰਗ ਇੱਕ ਨਵੇਂ ਸੈਰ-ਸਪਾਟਾ ਸਥਾਨ ਵਜੋਂ ਉੱਭਰੀ ਹੈ। ਜੂਨ ਦੇ ਪਹਿਲੇ ਹਫ਼ਤੇ ਦੋ ਲੱਖ ਤੋਂ ਵੱਧ ਸੈਲਾਨੀ ਅਟਲ ਸੁਰੰਗ ਦੇਖਣ ਆਏ। ਮਈ ਮਹੀਨੇ ‘ਚ ਵੀ 7 ਲੱਖ ਤੋਂ ਜ਼ਿਆਦਾ ਸੈਲਾਨੀ ਅਟਲ ਸੁਰੰਗ ‘ਤੇ ਪਹੁੰਚੇ ਅਤੇ ਇੱਥੋਂ ਦੀਆਂ ਖੂਬਸੂਰਤ ਵਾਦੀਆਂ ਨੂੰ ਦੇਖਿਆ। ਅਟਲ ਸੁਰੰਗ ਦੇ ਬਣਨ ਤੋਂ ਬਾਅਦ ਹੁਣ ਤੱਕ ਸੈਲਾਨੀਆਂ ਦੀ ਇਹ ਰਿਕਾਰਡ ਗਿਣਤੀ ਹੈ।

ਅਟਲ ਸੁਰੰਗ ‘ਤੇ ਰਿਕਾਰਡ ਸੈਲਾਨੀਆਂ ਦੇ ਪਹੁੰਚਣ ਦਾ ਵੱਡਾ ਕਾਰਨ ਕੁੱਲੂ ਜ਼ਿਲੇ ਦੇ ਉੱਚੇ ਇਲਾਕਿਆਂ ‘ਚ 15 ਮਈ ਤੱਕ ਹੋਈ ਬਰਫਬਾਰੀ ਹੈ। ਸੂਬੇ ‘ਚ ਕਈ ਸਾਲਾਂ ਬਾਅਦ ਮਈ ‘ਚ ਰੋਹਤਾਂਗ ਅਤੇ ਆਸ-ਪਾਸ ਦੀਆਂ ਚੋਟੀਆਂ ‘ਤੇ ਵੀ ਬਰਫਬਾਰੀ ਹੋਈ ਹੈ।

ਕੁੱਲੂ ਪੁਲੀਸ ਅਨੁਸਾਰ ਇਸ ਸਾਲ 1 ਤੋਂ 7 ਜੂਨ ਤੱਕ 29,510 ਛੋਟੇ-ਵੱਡੇ ਵਾਹਨ ਅਟਲ ਸੁਰੰਗ ’ਤੇ ਪੁੱਜੇ, ਜਦੋਂ ਕਿ 2022 ਵਿੱਚ ਇਸ ਸਮੇਂ ਦੌਰਾਨ 25,238 ਵਾਹਨ ਪੁੱਜੇ। ਪਿਛਲੇ ਸਾਲ ਮਈ ‘ਚ 79,473 ਵਾਹਨ ਅਤੇ ਇਸ ਸਾਲ 1,02,521 ਵਾਹਨ ਅਟਲ ਸੁਰੰਗ ‘ਤੇ ਆਏ ਸਨ। ਯਾਨੀ ਕਿ 2022 ਦੇ ਮੁਕਾਬਲੇ ਇਸ ਵਾਰ ਮਈ ਦੀ ਗਰਮੀ ਤੋਂ ਬਚਣ ਲਈ ਸੈਲਾਨੀਆਂ ਦੇ 23,048 ਹੋਰ ਵਾਹਨ ਅਟਲ ਸੁਰੰਗ ਦੇਖਣ ਆਏ।