ਪੁਰਵਾਂਚਲ ਭਾਈਚਾਰੇ ਦਾ ਮਾਣ ਬਹਾਲ ਰੱਖਿਆ ਜਾਵੇਗਾ – ਜਥੇਦਾਰ ਗਾਬੜੀਆ

ਲੁਧਿਆਣਾ  :  ਲੁਧਿਆਣਾ ਦੱਖਣੀ ਤੋਂ ਅਕਾਲੀ-ਬਸਪਾ ਉਮੀਦਵਾਰ ਜੱਥੇਦਾਰ ਹੀਰਾ ਸਿੰਘ ਗਾਬੜ੍ਹੀਆ ਦੀ ਚੋਣ ਮੁਹਿੰਮ ਨੂੰ ਉਸ ਵਕਤ ਹੋਰ ਤਾਕਤ ਮਿਲੀ ਜਦ ਪੁਰਵਾਂਚਲ ਭਾਈਚਾਰੇ ਦੇ ਲੋਕਾਂ ਵਲੋਂ ਕਾਂਗਰਸੀ ਉਮੀਦਵਾਰਾਂ ਨੂੰ ਨਾਕਾਰ ਤੱਕੜੀ ਚੋਣ ਨਿਸ਼ਾਨ ਨੂੰ ਵੋਟ ਕਰਨ ਦੀ ਗੱਲ ਆਖੀ।

ਇਕ ਵੱਡੇ ਇਕੱਠ ਦੌਰਾਨ ਦਿੱਲੀ, ਯੂ.ਪੀ, ਬਿਹਾਰ ਦੇ ਲੋਕਾਂ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਪਹਿਲਾਂ ਸਿੱਖਾਂ ਦੀ ਦੁਸ਼ਮਨ ਸੀ, ਹੁਣ ਪ੍ਰਵਾਸੀ ਲੋਕਾਂ ਦੀ ਦੁਸ਼ਮਣ ਜਾਮਾਤ ਬਣ ਕੇ ਰਹਿ ਗਈ ਹੈ। ਪੁਰਵਾਂਚਲ ਭਾਈਚਾਰੇ ਦੇ ਆਗੂ ਠਾਕੁਰ ਵਿਸ਼ਵਨਾਥ ਸਿੰਘ, ਚੰਦਰਭਾਨ ਚੌਹਾਨ, ਸਾਬਕਾ ਕੌਂਸਲਰ ਵਾਰਡ-31 ਬੇਬੀ ਸਿੰਘ ਨੇ ਕਿਹਾ ਕਿ ਅਸੀਂ ਸਾਰੇ ਪ੍ਰਵਾਸੀ ਪੁਰਵਾਂਚਲ ਵਾਲਿਆਂ ਨੂੰ ਅਪੀਲ ਕਰਦੇ ਹਾਂ ਕਿ ਕਾਂਗਰਸ ਪਾਰਟੀ ਕੇ ਉਮੀਦਵਾਰਾਂ ਦਾ ਵਿਰੋਧ ਕਰਕੇ ਚੋਣ ਨਿਸ਼ਾਨ ਤੱਕੜੀ ਨੂੰ ਵੋਟ ਕਰਨ।

ਜਥੇਦਾਰ ਗਾਬੜ੍ਹੀਆ ਨੇ ਪ੍ਰਵਾਸੀ ਪ੍ਰਵਾਂਚਲੀ ਲੋੋਕਾਂ ਨੂੰ ਵਿਸ਼ਵਾਸ਼ ਦਿਵਾਇਆ ਕਿ ਪੰਜਾਬ ਅੰਦਰ ਅਕਾਲੀ-ਬਸਪਾ ਸਰਕਾਰ ਬਣਨ ‘ਤੇ ਉਨ੍ਹਾਂ ਦਾ ਮਾਣ-ਸਤਿਕਾਰ ਬਹਾਲ ਰੱਖਿਆ ਜਾਵੇਗਾ। ਇਸ ਮੌਕੇ ਰਜੇਸ਼ ਮਿਸ਼ਰਾ, ਜਸਪਾਲ ਸਿੰਘ ਗਿਆਸਪੁਰਾ, ਨਿਰਮਲ ਸਿੰਘ ਐਸ.ਐਸ, ਰਾਮਪਾਲ, ਕਰਤਾ ਰਾਮ ਮਿਸ਼ਰਾ, ਡਾ.ਰਾਧੇ ਸਿਆਮ ਮਿਸ਼ਰਾ, ਸੰਜੇ ਸਿੰਘ ਵੀ ਹਾਜ਼ਰ ਸਨ।