ਪੰਜਾਬ ‘ਚ ਸ਼ਤਾਬਦੀ ਐਕਸਪ੍ਰੈਸ ‘ਚ ਸਫਰ ਕਰਨ ਵਾਲੇ ਯਾਤਰੀ ਹੋਏ ਪਰੇਸ਼ਾਨ, ਮਾਮਲਾ ਤੁਹਾਨੂੰ ਕਰ ਦੇਵੇਗਾ ਹੈਰਾਨ

ਜਲੰਧਰ: ਅੰਮ੍ਰਿਤਸਰ ਤੋਂ ਦਿੱਲੀ ਜਾ ਰਹੀ 12030 ਸਵਰਨ ਸ਼ਤਾਬਦੀ 22 ਮਿੰਟ ਲੇਟ ਹੋਣ ਕਾਰਨ ਸ਼ਾਮ 6.15 ਵਜੇ ਦੇ ਕਰੀਬ ਜਲੰਧਰ ਸਟੇਸ਼ਨ ਪਹੁੰਚੀ ਅਤੇ 6.18 ਵਜੇ ਸਟੇਸ਼ਨ ਤੋਂ ਰਵਾਨਾ ਹੋਈ। ਸੁਪਰਫਾਸਟ ਸੀਰੀਜ਼ ‘ਚ ਆਉਣ ਵਾਲੀ ਸ਼ਤਾਬਦੀ ਟਰੇਨ ਨੂੰ ਸਟੇਸ਼ਨ ‘ਤੇ ਪਹੁੰਚਣ ਤੋਂ ਪਹਿਲਾਂ ਹੀ ਤਕਨੀਕੀ ਖਰਾਬੀ ਦਾ ਸਾਹਮਣਾ ਕਰਨਾ ਪਿਆ।
ਇਸ ਕਾਰਨ ਰੇਲਗੱਡੀ 20 ਮਿੰਟ ਤੱਕ ਸਟੇਸ਼ਨ ਦੇ ਪਿਛਲੇ ਫਾਟਕ ’ਤੇ ਖੜ੍ਹੀ ਰਹੀ, ਜਿਸ ਕਾਰਨ ਲੋਕਾਂ ਨੂੰ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ। ਇਸ ਸਬੰਧੀ ਇਕ ਵਿਅਕਤੀ ਨੇ ਦੱਸਿਆ ਕਿ ਉਸ ਨੂੰ ਆਪਣੀ ਮੰਜ਼ਿਲ ’ਤੇ ਪਹੁੰਚਣ ਲਈ ਸੋਢਲ ਵੱਲ ਦਾ ਰਸਤਾ ਫੜਨਾ ਪਿਆ ਜਦਕਿ ਕੁਝ ਵਿਅਕਤੀ ਦਮੋਰੀਆ ਪੁਲ ਵੱਲ ਵਧੇ।

ਜਾਣਕਾਰੀ ਅਨੁਸਾਰ ਸ਼ਾਮ 6 ਵਜੇ ਦੇ ਕਰੀਬ ਸ਼ਤਾਬਦੀ ਸਟੇਸ਼ਨ ਦੇ ਪਿਛਲੇ ਫਾਟਕ ‘ਤੇ ਕਾਫੀ ਦੇਰ ਤੱਕ ਖੜ੍ਹੀ ਹੋਣ ਕਾਰਨ ਲੋਕਾਂ ਨੇ ਗੇਟਮੈਨ ਨੂੰ ਟਰੇਨ ਦੇ ਰਵਾਨਗੀ ਬਾਰੇ ਪੁੱਛਣਾ ਸ਼ੁਰੂ ਕਰ ਦਿੱਤਾ ਪਰ ਉਨ੍ਹਾਂ ਨੂੰ ਸਹੀ ਜਾਣਕਾਰੀ ਨਹੀਂ ਮਿਲ ਸਕੀ। ਇਸ ਦੌਰਾਨ ਇਹ ਚਰਚਾ ਸੁਣਨ ਨੂੰ ਮਿਲੀ ਕਿ ਸਿਗਨਲ ਫੇਲ ਹੋ ਗਿਆ ਸੀ, ਜਿਸ ਕਾਰਨ ਰੇਲਗੱਡੀ ਫਾਟਕ ਦੇ ਸਾਹਮਣੇ ਹੀ ਰੁਕ ਗਈ ਸੀ।

ਇਸ ਦੇ ਨਾਲ ਹੀ ਜਦੋਂ ਅਧਿਕਾਰੀਆਂ ਨੂੰ ਰੇਲ ਗੱਡੀ ਦੇ ਰੁਕਣ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਚੁੱਪੀ ਧਾਰੀ ਰੱਖੀ, ਇਸ ਬਾਰੇ ਕੋਈ ਵੀ ਅਧਿਕਾਰੀ ਖੁੱਲ੍ਹ ਕੇ ਕੁਝ ਵੀ ਦੱਸਣ ਨੂੰ ਤਿਆਰ ਨਹੀਂ ਹੈ। ਰੇਲਗੱਡੀ ਦਾ ਜਲੰਧਰ ਪਹੁੰਚਣ ਦਾ ਸਮਾਂ 5.53 ਹੈ ਅਤੇ ਰੇਲਗੱਡੀ 3 ਮਿੰਟ ਦੇ ਸਟਾਪ ਨਾਲ 5.56 ਵਜੇ ਲੁਧਿਆਣਾ ਲਈ ਰਵਾਨਾ ਹੁੰਦੀ ਹੈ।ਅੱਜ ਟਰੇਨ 6.15 ‘ਤੇ ਸਟੇਸ਼ਨ ‘ਤੇ ਪਹੁੰਚੀ ਅਤੇ 6.18 ‘ਤੇ ਚੱਲੀ। ਇਸ ਕਾਰਨ ਸਟੇਸ਼ਨ ‘ਤੇ ਟਰੇਨ ਦੀ ਉਡੀਕ ਕਰ ਰਹੇ ਯਾਤਰੀਆਂ ਨੂੰ ਵੀ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ।