ਫਲਾਈਟ ਟਿਕਟ ਲਈ ਨਵੇਂ ਨਿਯਮ ਜਾਰੀ, ਟਿਕਟਾਂ ਨੂੰ ਰੱਦ ਤੇ ਬੋਰਡਿੰਗ ਤੋਂ ਇਨਕਾਰ ਕਰਨ ‘ਤੇ ਪੈਸੇ ਹੋਣਗੇ ਵਾਪਸ

ਨਾਗਰਿਕ ਹਵਾਬਾਜ਼ੀ ਦੇ ਡਾਇਰੈਕਟਰ ਜਨਰਲ (DGCA) ਨੇ ਯਾਤਰੀਆਂ ਦੀਆਂ ਟਿਕਟਾਂ ਬਾਰੇ ਨਵੇਂ ਨਿਰਦੇਸ਼ ਜਾਰੀ ਕੀਤੇ ਹਨ। ਨਵੇਂ ਨਿਯਮਾਂ ਮੁਤਾਬਕ ਜੇਕਰ ਕੋਈ ਏਅਰਲਾਈਨ ਸਰਵਿਸ ਕੰਪਨੀ ਕਿਸੇ ਯਾਤਰੀ ਦੀ ਟਿਕਟ ਨੂੰ ਡਾਊਨਗ੍ਰੇਡ ਕਰਦੀ ਹੈ, ਉਸ ਨੂੰ ਦੱਸੇ ਬਿਨਾਂ ਟਿਕਟ ਕੈਂਸਲ ਕਰਦੀ ਹੈ ਜਾਂ ਬੋਰਡਿੰਗ ਤੋਂ ਇਨਕਾਰ ਕਰਦੀ ਹੈ ਤਾਂ ਉਸ ਨੂੰ ਟਿਕਟ ਦੇ 30% ਤੋਂ 75% ਤੱਕ ਦੀ ਰਕਮ ਵਾਪਸ ਕਰਨੀ ਪਵੇਗੀ। ਨਵੇਂ ਨਿਯਮ 15 ਫਰਵਰੀ ਤੋਂ ਲਾਗੂ ਹੋਣਗੇ।

ਨਵੇਂ ਨਿਯਮਾਂ ਦੇ ਤਹਿਤ ਕੰਪਨੀਆਂ ਨੂੰ ਘਰੇਲੂ ਉਡਾਣਾਂ ‘ਤੇ ਟਿਕਟ ਦੀ ਕੀਮਤ ਦਾ 75% ਰਿਫੰਡ ਕਰਨਾ ਹੋਵੇਗਾ। ਇਸ ‘ਚ ਟਿਕਟ ‘ਤੇ ਲੱਗਣ ਵਾਲਾ ਟੈਕਸ ਵੀ ਸ਼ਾਮਲ ਹੋਵੇਗਾ। ਇਸ ਤੋਂ ਇਲਾਵਾ, 1500 ਕਿਲੋਮੀਟਰ ਜਾਂ ਇਸ ਤੋਂ ਘੱਟ ਦੀਆਂ ਉਡਾਣਾਂ ਲਈ ਟਿਕਟ ਦੀ ਕੀਮਤ ਦਾ 30%, 1500 ਕਿਲੋਮੀਟਰ ਤੋਂ 3500 ਕਿਲੋਮੀਟਰ ਦੇ ਵਿਚਕਾਰ ਦੀਆਂ ਉਡਾਣਾਂ ਲਈ 50% ਅਤੇ 3500 ਕਿਲੋਮੀਟਰ ਤੋਂ ਵੱਧ ਦੀਆਂ ਉਡਾਣਾਂ ਲਈ 50%, ਕਿਉਂਕਿ ਅੰਤਰਰਾਸ਼ਟਰੀ ਯਾਤਰੀਆਂ ਦੇ ਮਾਮਲੇ ਵਿੱਚ 75% ਰਿਫੰਡ ਹੋਵੇਗਾ।