ਐਮਐਸਐਮਈ ਨੇ ਗੁਜਰਾਤ ਸਾਈਕਲ ਐਕਸਪੋ ਲਈ 90 ਲੱਖ ਦੀ ਦਿੱਤੀ ਮਨਜ਼ੂਰੀ

ਲੁਧਿਆਣਾ : ਡਿਵੈਲਪਮੈਂਟ ਕਮਿਸ਼ਨਰ, ਐਮਐਸਐਮਈ ਮੰਤਰਾਲੇ, ਭਾਰਤ ਸਰਕਾਰ ਨੇ 05 ਅਤੇ 06 ਜਨਵਰੀ 2023 ਨੂੰ ਹੋਣ ਵਾਲੇ ਗੁਜਰਾਤ ਸਾਈਕਲ ਐਕਸਪੋ ਵਿੱਚ ਹਿੱਸਾ ਲੈਣ ਲਈ 60 ਐਮਐਸਐਮਈ ਲਈ 1.5 ਲੱਖ ਤੱਕ ਦੀ ਵਿੱਤੀ ਸਹਾਇਤਾ (ਖਰੀਦ ਅਤੇ ਮਾਰਕੀਟ ਸਹਾਇਤਾ ਯੋਜਨਾ ਦੇ ਤਹਿਤ) ਨੂੰ ਮਨਜ਼ੂਰੀ ਦਿੱਤੀ ਹੈ। ਜ਼ਿਕਰਯੋਗ ਹੈ ਕਿ ਗੁਜਰਾਤ ਸਾਈਕਲ ਐਕਸਪੋ ਨੂੰ ਫਿਕੋ ਵੱਲੋਂ ਸਹਿਯੋਗ ਦਿੱਤਾ ਜਾ ਰਿਹਾ ਹੈ।

ਗੁਜਰਾਤ ਸਾਈਕਲ ਐਕਸਪੋ – ਇਨਫੋਟੈਕ ਰਿਸੋਰਸਜ਼ ਮੁੰਬਈ ਦੁਆਰਾ ਆਯੋਜਿਤ ਕੀਤਾ ਜਾ ਰਿਹਾ ਹੈ, ਇਹ ਪ੍ਰਦਰਸ਼ਨੀ ਸਾਈਕਲ ਉਦਯੋਗ ਦਾ ਇੱਕ ਫਲੈਗਸ਼ਿਪ ਈਵੈਂਟ ਹੋਣ ਜਾ ਰਹੀ ਹੈ ਜਿੱਥੇ ਗੁਜਰਾਤ ਅਤੇ ਮਹਾਰਾਸ਼ਟਰ ਦੇ 1500 ਡੀਲਰ ਪ੍ਰਦਰਸ਼ਨੀ ਦਾ ਦੌਰਾ ਕਰਨਗੇ। ਇੱਥੇ ਸਾਈਕਲ ਅਤੇ ਸਾਈਕਲ ਪਾਰਟਸ ਨਿਰਮਾਤਾਵਾਂ ਦੇ 60 ਸਟਾਲ ਹੋਣਗੇ।