ਪੰਜਾਬੀ
ਮਾਸਿਕ ਪੀ.ਏ.ਯੂ. ਖਬਰਨਾਮਾ ਵਾਈਸ ਚਾਂਸਲਰ ਨੇ ਕੀਤਾ ਰਿਲੀਜ਼
ਲੁਧਿਆਣਾ : ਪੀ.ਏ.ਯੂ. ਦੀਆਂ ਖੋਜ, ਅਕਾਦਮਿਕ ਅਤੇ ਪਸਾਰ ਗਤੀਵਿਧੀਆਂ ਦੀ ਜਾਣਕਾਰੀ ਦੇਣ ਲਈ ਦੋ ਮਾਸਿਕ ਪੀ.ਏ.ਯੂ. ਖਬਰਨਾਮਾ ਦਾ ਪ੍ਰਵੇਸ਼ ਅੰਕ ਵਾਈਸ ਚਾਂਸਲਰ ਡਾ. ਸਤਿਬੀਰ ਸਿੰਘ ਗੋਸਲ ਨੇ ਜਾਰੀ ਕੀਤਾ | ਇਸ ਮੌਕੇ ਉਹਨਾਂ ਕਿਹਾ ਕਿ ਪੰਜਾਬੀ ਭਾਸ਼ਾ ਵਿੱਚ ਇਸ ਸੂਚਨਾ ਪੱਤਰ ਦਾ ਜਾਰੀ ਹੋਣਾ ਯੂਨੀਵਰਸਿਟੀ ਪੱਧਰ ਤੇ ਅਤੇ ਯੂਨੀਵਰਸਿਟੀ ਤੋਂ ਬਾਹਰ ਵੀ ਸਰਗਰਮੀਆਂ ਦੀਆਂ ਝਲਕੀਆਂ ਬਾਰੇ ਝਾਤ ਪੁਆਏਗਾ |
ਉਹਨਾਂ ਕਿਹਾ ਕਿ ਪੰਜਾਬੀ ਭਾਸ਼ਾ ਵਿੱਚ ਛਪਣ ਨਾਲ ਯਕੀਨਨ ਪੀ.ਏ.ਯੂ. ਗਤੀਵਿਧੀਆਂ ਬਾਰੇ ਜਾਣਕਾਰੀ ਦਾ ਵਿਸਥਾਰ ਹੋਵੇਗਾ | ਇਸ ਮੌਕੇ ਬੋਲਦਿਆਂ ਅਪਰ ਨਿਰਦੇਸ਼ਕ ਸੰਚਾਰ ਡਾ. ਤੇਜਿੰਦਰ ਸਿੰਘ ਰਿਆੜ ਨੇ ਦੱਸਿਆ ਕਿ ਪੀ.ਏ.ਯੂ. ਦੀਆਂ ਪ੍ਰਾਪਤੀਆਂ ਅਤੇ ਕੀਤੇ ਜਾ ਰਹੇ ਕਾਰਜਾਂ ਨੂੰ ਦਰਜ਼ ਕਰਨ ਵਾਲਾ ਪੀ.ਏ.ਯੂ. ਨਿਊਜ਼ ਪਹਿਲਾਂ ਹੀ ਪ੍ਰਕਾਸ਼ਿਤ ਕੀਤਾ ਜਾਂਦਾ ਹੈ | ਹੁਣ ਇਸ ਨੂੰ ਪੰਜਾਬੀ ਵਿੱਚ ਰਿਲੀਜ਼ ਕਰਕੇ ਵੱਧ ਪਾਠਕਾਂ ਤੱਕ ਪਹੁੰਚਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ |
ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਨਿਰਦੇਸ਼ਕ ਖੋਜ ਡਾ. ਅਜਮੇਰ ਸਿੰਘ ਢੱਟ, ਸਾਬਕਾ ਪ੍ਰੋਫੈਸਰ ਡਾ. ਪਿਆਰਾ ਸਿੰਘ ਚਾਹਲ, ਪੀ.ਏ.ਯੂ. ਨਿਊਜ਼ ਦੇ ਸੰਪਾਦਕ ਡਾ. ਆਸ਼ੂ ਤੂਰ, ਗੁਲਨੀਤ ਚਾਹਲ, ਡਿਜ਼ਾਇਨਰ ਸੰਦੀਪ ਕੌਰ ਕਲਸੀ ਅਤੇ ਜਗਵਿੰਦਰ ਸਿੰਘ ਵਿਸ਼ੇਸ਼ ਤੌਰ ਤੇ ਮੌਜੂਦ ਸਨ |
Facebook Comments
