ਰੇਲਵੇ ਯਾਤਰੀਆਂ ਲਈ ਅਹਿਮ ਖਬਰ, ਨਵੀਂ ਦਿੱਲੀ-ਕਟੜਾ ਵੰਦੇ ਭਾਰਤ ਟਰੇਨ ਦੇ ਸਮੇਂ ‘ਚ ਬਦਲਾਅ

ਚੰਡੀਗੜ੍ਹ : ਰੇਲਵੇ ਯਾਤਰੀਆਂ ਲਈ ਅਹਿਮ ਖਬਰ ਆ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਰੇਲਵੇ ਨੇ ਨਵੀਂ ਦਿੱਲੀ-ਕਟੜਾ ਵੰਦੇ ਭਾਰਤ ਟਰੇਨ ਦਾ ਸਮਾਂ ਬਦਲ ਦਿੱਤਾ ਹੈ, ਜਿਸ ਕਾਰਨ ਹੁਣ ਵੰਦੇ ਭਾਰਤ ਟਰੇਨ ਕਟੜਾ ਤੋਂ 5 ਮਿੰਟ ਪਹਿਲਾਂ ਰਵਾਨਾ ਹੋਵੇਗੀ। ਉੱਤਰੀ ਰੇਲਵੇ ਨੇ 18 ਮਾਰਚ ਤੋਂ ਨਵੀਂ ਦਿੱਲੀ ਤੋਂ ਜੰਮੂ ਤਵੀ-ਕਟੜਾ ਵਿਚਾਲੇ ਚੱਲਣ ਵਾਲੀ ਵੰਦੇ ਭਾਰਤ (22440) ਟਰੇਨ ਦੇ ਟਾਈਮ ਟੇਬਲ ‘ਚ ਸੋਧ ਕੀਤੀ ਹੈ, ਜਿਸ ਕਾਰਨ ਇਹ ਟਰੇਨ ਕਟੜਾ ਤੋਂ 5 ਮਿੰਟ ਪਹਿਲਾਂ ਰਵਾਨਾ ਹੋਵੇਗੀ। ਰੇਲਵੇ ਮੁਤਾਬਕ ਸ਼੍ਰੀ ਮਾਤਾ ਵੈਸ਼ਨੋ ਦੇਵੀ ਕਟੜਾ-ਨਵੀਂ ਦਿੱਲੀ ਵੰਦੇ ਭਾਰਤ ਟਰੇਨ ਕਟੜਾ ਤੋਂ ਬਾਅਦ ਦੁਪਹਿਰ 3 ਵਜੇ ਦੀ ਬਜਾਏ 2.55 ਵਜੇ ਰਵਾਨਾ ਹੋਵੇਗੀ। ਇਸ ਤੋਂ ਬਾਅਦ ਇਹ ਟਰੇਨ ਸ਼ਾਮ 4.13 ਦੀ ਬਜਾਏ ਸ਼ਾਮ 4.08 ਵਜੇ ਜੰਮੂਤਵੀ ਪਹੁੰਚੇਗੀ, ਜਿੱਥੇ 2 ਮਿੰਟ ਦਾ ਸਟਾਪੇਜ ਹੋਵੇਗਾ। ਇਸ ਤੋਂ ਬਾਅਦ ਅਗਲੇ ਸਾਰੇ ਸਟੇਸ਼ਨਾਂ ‘ਤੇ ਸਮਾਂ ਸਾਰਣੀ ਪਹਿਲਾਂ ਵਾਂਗ ਹੀ ਰਹੇਗੀ। ਇਹ ਟਰੇਨ ਸ਼ਾਮ 7.30 ਵਜੇ ਲੁਧਿਆਣਾ ਅਤੇ 8.48 ਵਜੇ ਅੰਬਾਲਾ ਪਹੁੰਚੇਗੀ।