ਖੰਨਾ ਸਰਕਲ ਦੀਆਂ ਮਸਜਿਦਾਂ ਦੇ ਵਿਕਾਸ ਲਈ 26.75 ਲੱਖ ਦੀ ਗ੍ਰਾਂਟ ਜਾਰੀ

ਖੰਨਾ ( ਲੁਧਿਆਣਾ ) : ਪੰਜਾਬ ਵਕਫ਼ ਬੋਰਡ ਵੱਲੋਂ ਖੰਨਾ ਸਰਕਲ ਦੀਆਂ ਮਸਜਿਦਾਂ ਦੇ ਵਿਕਾਸ ਕਾਰਜਾਂ ਲਈ ਵੀ ਫੰਡ ਜਾਰੀ ਕੀਤੇ ਜਾ ਰਹੇ ਹਨ। ਖੰਨਾ ਸਰਕਲ ਵਿੱਚ ਪੰਜਾਬ ਵਕਫ਼ ਬੋਰਡ ਵੱਲੋਂ ਪਿਛਲੇ ਪੰਜ ਮਹੀਨਿਆਂ ਵਿੱਚ ਕਰੀਬ 27 ਲੱਖ ਰੁਪਏ ਦਾ ਵਿਕਾਸ ਫੰਡ ਜਾਰੀ ਕੀਤਾ ਗਿਆ ਹੈ ਅਤੇ ਇਸ ਦੇ ਨਾਲ-ਨਾਲ ਕਬਰਸਤਾਨਾਂ, ਨਵੀਆਂ ਮਸਜਿਦਾਂ ਨੂੰ ਰਾਖਵਾਂ ਕਰਨ ਲਈ ਵੀ 6-6 ਹਜ਼ਾਰ ਰੁਪਏ ਪ੍ਰਤੀ ਮਹੀਨਾ ਜਾਰੀ ਕੀਤੇ ਜਾ ਰਹੇ ਹਨ।

ਖੰਨਾ ਸਰਕਲ ਦੀਆਂ ਦਰਜਨਾਂ ਮਸਜਿਦਾਂ ਦੇ ਵਿਕਾਸ ਲਈ 26 ਲੱਖ ਤੋਂ ਵੱਧ ਦਾ ਫੰਡ ਜਾਰੀ ਕੀਤਾ ਗਿਆ ਹੈ, ਜਿਸਦੇ ਤਹਿਤ ਮਦੀਨਾ ਮਸਜਿਦ ਨੂੰ 5 ਲੱਖ, ਜਾਮਾ ਮਸਜਿਦ ਸਮਰਾਲਾ ਨੂੰ 7.50 ਲੱਖ, ਘੁਰਾਲਾ ਮਸਜਿਦ ਨੂੰ 1 ਲੱਖ, ਕਾਮਰਸ ਮਸਜਿਦ ਨੂੰ 50 ਹਜ਼ਾਰ ਰੁਪਏ, ਮੱਕਾ ਮਦੀਨਾ ਮਸਜਿਦ ਨੂੰ 1.50 ਲੱਖ, ਮਦੀਨਾ ਮਸਜਿਦ ਨੂੰ 1 ਲੱਖ, ਮਦੀਨਾ ਮਸਜਿਦ ਪਿੰਡ ਜ਼ਰਗ ਨੂੰ 1 ਲੱਖ, ਨੂਰਾਨੀ ਮਸਜਿਦ ਨੂੰ 2 ਲੱਖ, ਮਦੀਨਾ ਮਸਜਿਦ ਕਿਲਾ ਰੋਡ ਨੂੰ 2 ਲੱਖ, ਮਦੀਨਾ ਮਸਜਿਦ ਨੂੰ 1.50 ਲੱਖ, ਮੁਹੰਮਦੀ ਮਸਜਿਦ ਨੂੰ 1.50 ਲੱਖ, ਮੁਹੰਮਦੀ ਮਸਜਿਦ ਨੂੰ 1.50 ਲੱਖ, ਨੂਰਾਨੀ ਜਾਮਾ ਮਸਜਿਦ ਨੂੰ 1 ਲੱਖ, ਜਾਮਾ ਮਸਜਿਦ ਖਮਾਣੋਂ ਨੂੰ 1.50 ਲੱਖ ਰੁਪਏ ਦੀ ਵਿਕਾਸ ਗ੍ਰਾਂਟ ਜਾਰੀ ਕੀਤੀ ਗਈ ਹੈ।

ਇਸ ਤੋਂ ਇਲਾਵਾ ਖੰਨਾ ਸਰਕਲ ਅਧੀਨ ਆਉਂਦੀ ਅਤੀ ਉਸਮਾਨੀਆ ਮਸਜਿਦ ਅਤੇ ਮੁਹੰਮਦੀ ਮਸਜਿਦ ਲਈ ਵੀ 6-6 ਹਜ਼ਾਰ ਰੁਪਏ ਪ੍ਰਤੀ ਮਹੀਨਾ ਵਿੱਤੀ ਸਹਾਇਤਾ ਸ਼ੁਰੂ ਕੀਤੀ ਗਈ ਹੈ। ਅਸਟੇਟ ਅਫਸਰ ਮੁਹੰਮਦ ਲਿਆਕਤ ਨੇ ਦੱਸਿਆ ਕਿ ਪ੍ਰਸ਼ਾਸਕ ਐਮ.ਐਫ.ਫਾਰੂਕੀ ਆਈ.ਪੀ.ਐਸਦੀ ਅਗਵਾਈ ਵਿੱਚ ਮਸਜਿਦਾਂ ਅਤੇ ਮਦਰੱਸਿਆਂ ਸਮੇਤ ਕਬਰਸਤਾਨ ਦੇ ਵਿਕਾਸ ਕਾਰਜਾਂ ਲਈ ਲਗਾਤਾਰ ਗ੍ਰਾਂਟਾਂ ਜਾਰੀ ਕੀਤੀਆਂ ਜਾ ਰਹੀਆਂ ਹਨ।