ਜੀ. ਜੀ. ਐੱਨ .ਪਬਲਿਕ ਸਕੂਲ ‘ਚ ਮਨਾਇਆ “ਚਿਲਡਰਨ ਡੇ”

ਲੁਧਿਆਣਾ : ਜੀ. ਜੀ. ਐੱਨ .ਪਬਲਿਕ ਸਕੂਲ, ਰੋਜ਼ ਗਾਰਡਨ, ਲੁਧਿਆਣਾ ਵਿੱਚ ਸਵੇਰ ਦੀ ਸਭਾ ਵਿੱਚ “ਚਿਲਡਰਨ ਡੇ” ਮਨਾਇਆ ਗਿਆ । ਚਿਲਡਰਨ ਡੇ ਪੰਡਤ ਜਵਾਹਰ ਲਾਲ ਨਹਿਰੂ ਦੀ ਯਾਦ ਵਿੱਚ ਮਨਾਇਆ ਜਾਂਦਾ ਹੈ । ਇਸ ਸੰਬੰਧ ਵਿੱਚ ਅਧਿਆਪਕਾਂ ਵੱਲੋ ਦੇਹ ਸ਼ਿਵਾ ਬਰ ਮੋਹੇ ਇਹੈ …ਸ਼ਬਦ ਗਾਇਆ ਗਿਆ ਤੇ ਫਿਰ ਇਤਨੀ ਸ਼ਕਤੀ ਹਮੇ ਦੇਹਾਂ ਦਾਤਾ ਕਿ ਮਨ ਕਾ ਵਿਸ਼ਵਾਸ ਕਮਜੋਰ ਹੋ ਨਾ ਗੀਤ ਗਾਇਆ ਗਿਆ ਅਤੇ ਫਿਰ ਜਵਾਹਰ ਲਾਲ ਨਹਿਰੂ ਦੇ ਜੀਵਨ ਨਾਲ ਸੰਬੰਧਤ ਜੀਵਨੀ ਸੁਣਾਈ ਗਈ ।

ਇਸ ਮੌਕੇ ਬੱਚਿਆਂ ਵਿਚ ਕਵਿੱਜ (ਪ੍ਰਸ਼ੋਨਤਰੀ ) ਕਰਵਾਈ ਗਈ । ਕਿੰਡਰਗਾਰਡਨ ਦੇ ਵਿਦਿਆਰਥੀਆਂ ਦੀਆਂ ਮਜ਼ੇਦਾਰ ਦੌੜਾਂ ਕਰਵਾਈਆਂ ਗਈਆ ਅਤੇ ਪਹਿਲੀ ਤੋਂ ਤੀਸਰੀ ਜਮਾਤ ਦੇ ਵਿਦਿਆਰਥੀਆਂ ਦੀਆਂ ਫਨ ਰਾਈਡਸ ਕਰਵਾਈਆਂ ਗਈਆਂ । ਫਿਰ ਸਕੂਲ ਦੇ ਗਿਆਰਵੀਂ ਜਮਾਤ ਦੇ ਤੇ ਬਾਰਵੀਂ ਜਮਾਤ ਦੇ ਵਿਦਿਆਰਥੀਆਂ ਦਾ ਕ੍ਰਿਕਟ ਦਾ ਮੈਚ ਕਰਵਾਇਆ ਗਿਆ । ਪ੍ਰਿੰਸੀਪਲ ਨੇ ਬੱਚਿਆਂ ਨੂੰ ਚੰਗੇ ਵਿਚਾਰ ਅਪਨਾਉਣ ਲਈ ਕਿਹਾ । ਇਸ ਤੋਂ ਬਾਅਦ ਰਾਸ਼ਟਰੀ ਗਾਨ ਦੇ ਨਾਲ ਪ੍ਰੋਗਰਾਮ ਦੀ ਸਮਾਪਤੀ ਹੋਈ ।