ਲੁਧਿਆਣਾ ਦੇ ਡੀਸੀ ਆਫਿਸ ‘ਚ ਲੱਗੇ ਹਨ ਐਕਸਪਾਇਰੀ ਡੇਟ ਦੇ ਅੱਗ ਬੁਝਾਓ ਯੰਤਰ

ਲੁਧਿਆਣਾ : ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਵਿਚ ਲਗਾਏ ਗਏ ਅੱਗ ਬੁਝਾਊ ਯੰਤਰਾਂ ਨੇ ਆਪਣੀ ਜ਼ਿੰਦਗੀ ਪੂਰੀ ਕਰ ਲਈ ਹੈ ਤੇ ਉਹ ਅੱਗ ਬੁਝਾਉਣ ਸਮੇਂ ਅੱਗ ਬੁਝਾਉਣ ਦੇ ਯੋਗ ਨਹੀਂ ਹਨ। ਅੱਗ ਬੁਝਾਉਣ ਲਈ ਲਗਾਏ ਗਏ ਉਪਕਰਨਾਂ ਦੀ ਲਾਈਫ ਅਗਸਤ ਮਹੀਨੇ ਵਿਚ ਪੂਰੀ ਹੋ ਗਈ ਹੈ ਤੇ ਉਦੋਂ ਤੋਂ ਹੁਣ ਤਕ ਇਨ੍ਹਾਂ ਨੂੰ ਦੁਬਾਰਾ ਭਰਨ ਦੀ ਕਵਾਇਦ ਵੀ ਸ਼ੁਰੂ ਨਹੀਂ ਹੋਈ ਹੈ।

ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਦੀ ਇਮਾਰਤ ਚਾਰ ਮੰਜ਼ਿਲਾਂ ਇਮਾਰਤ ‘ਚ ਹੇਠਲੀ ਮੰਜ਼ਿਲ ‘ਤੇ ਡੀਸੀ ਦਫ਼ਤਰ ਤੇ ਆਰਟੀਏ ਦਫ਼ਤਰ ਹੈ। ਪਹਿਲੀ ਮੰਜ਼ਿਲ ’ਤੇ ਪੰਚਾਇਤ ਵਿਭਾਗ, ਚੋਣ ਵਿਭਾਗ ਦਾ ਦਫ਼ਤਰ ਹੈ ਜਦੋਂਕਿ ਉਪਰਲੀ ਮੰਜ਼ਿਲ ’ਤੇ ਸਿੱਖਿਆ ਵਿਭਾਗ ਦਾ ਦਫ਼ਤਰ ਹੈ। ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਵਿਚ ਵੱਖ-ਵੱਖ ਵਿਭਾਗਾਂ ਦਾ ਅਹਿਮ ਰਿਕਾਰਡ ਹੈ।

ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਵਿਚ ਕਈ ਰਿਕਾਰਡ ਪਏ ਹਨ। ਜੇਕਰ ਉੱਥੇ ਅੱਗ ਲੱਗ ਜਾਂਦੀ ਹੈ ਤੇ ਪਹਿਲੀ ਸਟੇਜ ‘ਤੇ ਹੀ ਇਸ ਨੂੰ ਨਾ ਬੁਝਾਇਆ ਗਿਆ ਤਾਂ ਅੱਗ ਭਿਆਨਕ ਰੂਪ ਧਾਰਨ ਕਰ ਸਕਦੀ ਹੈ। ਅੱਗ ਬੁਝਾਉਣ ਲਈ ਪਹਿਲੇ ਪੱਧਰ ‘ਤੇ ਹੀ ਅੱਗ ਬੁਝਾਉਣ ਵਾਲੇ ਯੰਤਰ ਲਗਾਏ ਗਏ ਹਨ।