ਗੈਂ/ਗਸਟਰ ਪੁਨੀਤ ਅਤੇ ਲਾਲੀ ਦੀ ਗ੍ਰਿਫਤਾਰੀ ਤੋਂ ਬਾਅਦ ਸ਼ਹਿਰ ਦੇ ਕਈ ਲੋਕ Underground

ਅੰਮ੍ਰਿਤਸਰ : ਅੰਮ੍ਰਿਤਸਰ ‘ਚ ਕਾਊਂਟਰ ਇੰਟੈਲੀਜੈਂਸ ਵਲੋਂ ਗ੍ਰਿਫਤਾਰ ਕੀਤੇ ਗਏ ਜਲੰਧਰ ਦੇ ਗੈਂਗਸਟਰ ਪੁਨੀਤ ਸ਼ਰਮਾ ਅਤੇ ਲਾਲੀ ਤੋਂ ਪੁੱਛਗਿੱਛ ‘ਚ ਸਾਬਕਾ ਕਾਂਗਰਸੀ ਕੌਂਸਲਰ ਡਿਪਟੀ ਕਤਲ ਕੇਸ ‘ਚ ਕਈ ਨਵੀਆਂ ਪਰਤਾਂ ਸਾਹਮਣੇ ਆ ਸਕਦੀਆਂ ਹਨ।ਦੋਵਾਂ ਦੀ ਗ੍ਰਿਫਤਾਰੀ ਤੋਂ ਬਾਅਦ ਸ਼ਹਿਰ ਦੇ ਕਈ ਲੋਕ ਰੂਪੋਸ਼ ਹੋ ਗਏ ਹਨ। ਡਿਪਟੀ ਕਤਲ ਕੇਸ ਵਿੱਚ ਸ਼ਹਿਰ ਦੇ ਕਈ ਲੋਕਾਂ ਦੇ ਨਾਂ ਸਾਹਮਣੇ ਆਉਣ ਦੀ ਚਰਚਾ ਹੈ।ਸੂਤਰਾਂ ਦੀ ਮੰਨੀਏ ਤਾਂ ਬਸਤੀ ਦੇ ਇਕ ਨੌਜਵਾਨ ਦਾ ਪੁਨੀਤ ਅਤੇ ਲਾਲੀ ਨਾਲ ਸਿੱਧਾ ਸਬੰਧ ਸੀ ਜੋ ਉਨ੍ਹਾਂ ਦੀ ਆਰਥਿਕ ਮਦਦ ਕਰਦਾ ਰਿਹਾ ਹੈ। ਭਾਵੇਂ ਪੁਲੀਸ ਨੇ ਉਸ ਤੋਂ ਪਹਿਲਾਂ ਵੀ ਪੁੱਛਗਿੱਛ ਕੀਤੀ ਸੀ ਪਰ ਉਸ ਨੇ ਪੁਲੀਸ ਕੋਲ ਕੁਝ ਵੀ ਕਬੂਲ ਨਹੀਂ ਕੀਤਾ ਜਿਸ ਕਾਰਨ ਉਸ ਨੂੰ ਛੱਡ ਦਿੱਤਾ ਗਿਆ।

ਜਲੰਧਰ ਕਮਿਸ਼ਨਰੇਟ ਪੁਲਿਸ ਅਤੇ ਜਲੰਧਰ ਦਿਹਾਤੀ ਪੁਲਿਸ ਪੁਨੀਤ ਅਤੇ ਲਾਲੀ ਨੂੰ ਵੀ ਪੁੱਛਗਿੱਛ ਲਈ ਪ੍ਰੋਡਕਸ਼ਨ ਵਾਰੰਟ ‘ਤੇ ਲਿਆਏਗੀ। ਸੂਤਰਾਂ ਦੀ ਮੰਨੀਏ ਤਾਂ ਜੇਲ ‘ਚ ਬੰਦ ਕੁਝ ਗੈਂਗਸਟਰਾਂ ਨੇ ਵੀ ਦੱਬੀ ਆਵਾਜ਼ ‘ਚ ਕਿਹਾ ਹੈ ਕਿ ਡਿਪਟੀ ਸੁਖਮੀਤ ਸਿੰਘ ਦਾ ਕਤਲ ਫਿਰੌਤੀ ਦੇ ਕੇ ਕੀਤਾ ਗਿਆ ਸੀ।ਹਾਲਾਂਕਿ ਪੁਲਸ ਜਾਂਚ ‘ਚ ਅਜਿਹਾ ਕੁਝ ਵੀ ਸਾਹਮਣੇ ਨਹੀਂ ਆਇਆ ਪਰ ਸੂਤਰਾਂ ਦਾ ਦਾਅਵਾ ਹੈ ਕਿ ਜੂਏ ਦੇ ਪੈਸਿਆਂ ਨੂੰ ਲੈ ਕੇ ਡਿਪਟੀ ਅਤੇ ਇਕ ਵੱਡੇ ਜੂਏਬਾਜ਼ ਅਤੇ ਇਕ ਧਾਰਮਿਕ ਸਥਾਨ ਨਾਲ ਜੁੜੇ ਇਕ ਬਾਬਾ ਨਾਲ ਰੰਜਿਸ਼ ਸੀ। ਉਸ ਤੋਂ ਬਾਅਦ ਡਿਪਟੀ ਦੇ ਕਤਲ ਦੀ ਸਾਜ਼ਿਸ਼ ਰਚੀ ਗਈ।ਸਾਰੀ ਪਲੈਨਿੰਗ ਗੈਂਗਸਟਰ ਲੱਕੀ ਪਟਿਆਲ ਦੀ ਅਗਵਾਈ ‘ਚ ਕੀਤੀ ਗਈ ਸੀ, ਜਿਸ ‘ਚ ਪੁਨੀਤ ਅਤੇ ਲਾਲੀ ਦੇ ਨਾਲ ਹਰਿਆਣਾ ਦੇ ਗੈਂਗਸਟਰ ਕੌਸ਼ਲ ਚੌਧਰੀ ਅਤੇ ਵਿਕਾਸ ਮਹਲੇ ਵੀ ਸ਼ਾਮਲ ਸਨ।

ਹੁਣ ਦੱਸਿਆ ਜਾ ਰਿਹਾ ਹੈ ਕਿ ਇਸ ਜੂਏਬਾਜ ਨੇ ਨਾ ਸਿਰਫ ਜਲੰਧਰ ਦੇ ਕਈ ਗੈਂਗਸਟਰਾਂ ਨੂੰ ਬਲਕਿ ਰਾਸ਼ਟਰੀ ਪੱਧਰ ਦੇ ਵੀ ਜੂਏ ਦੀਆਂ ਕਿਤਾਬਾਂ ‘ਚ ਸ਼ਾਮਲ ਕੀਤਾ ਹੈ। ਜੇਕਰ ਪੁਲਿਸ ਸੁਖਮੀਤ ਸਿੰਘ ਡਿਪਟੀ ਕਤਲ ਕਾਂਡ ਵਿੱਚ ਪੁਨੀਤ ਅਤੇ ਲਾਲੀ ਤੋਂ ਸਖ਼ਤੀ ਨਾਲ ਪੁੱਛਗਿੱਛ ਕਰਦੀ ਹੈ ਤਾਂ ਡਿਪਟੀ ਦੇ ਬਜ਼ੁਰਗ ਮਾਪਿਆਂ ਨੂੰ ਇਨਸਾਫ਼ ਮਿਲਣਾ ਤੈਅ ਹੈ।ਦੱਸ ਦੇਈਏ ਕਿ ਕਾਊਂਟਰ ਇੰਟੈਲੀਜੈਂਸ ਨੇ ਜਾਲ ਵਿਛਾ ਕੇ ਪੁਨੀਤ ਸ਼ਰਮਾ ਅਤੇ ਲਾਲੀ ਦੋਵੇਂ ਵਾਸੀ ਪ੍ਰੀਤ ਨਗਰ, ਅੰਮ੍ਰਿਤਸਰ ਨੂੰ ਗ੍ਰਿਫਤਾਰ ਕੀਤਾ ਸੀ। ਇਨ੍ਹਾਂ ਦੇ ਨਾਲ ਹੀ ਪੁਲਿਸ ਨੇ 4 ਹੋਰ ਨੌਜਵਾਨਾਂ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਸੀ। ਮੁਲਜ਼ਮਾਂ ਕੋਲੋਂ 6 ਪਿਸਤੌਲ ਅਤੇ 40 ਗੋਲੀਆਂ ਬਰਾਮਦ ਹੋਈਆਂ ਹਨ।