BLA ਟਰੇਨ ਹਾਈਜੈਕ ਲਈ ਪਾ/ਕਿਸਤਾਨ ਨੇ ਭਾਰਤ ‘ਤੇ ਲਗਾਇਆ ਦੋਸ਼! ਕਿਹਾ- ਭਾਰਤ ਇਹ ਸਭ ਕਰਵਾ ਰਿਹਾ ਹੈ

ਪੇਸ਼ਾਵਰ: ਬਲੋਚਿਸਤਾਨ ਵਿੱਚ ਬਲੋਚ ਲਿਬਰੇਸ਼ਨ ਆਰਮੀ (ਬੀਐਲਏ) ਵੱਲੋਂ ਹਾਈਜੈਕ ਕੀਤੀ ਗਈ ਜਾਫਰ ਐਕਸਪ੍ਰੈਸ ਨੂੰ ਲੈ ਕੇ ਪਾਕਿਸਤਾਨ ਸਰਕਾਰ ਨੇ ਭਾਰਤ ਉੱਤੇ ਗੰਭੀਰ ਦੋਸ਼ ਲਾਏ ਹਨ।ਪ੍ਰਧਾਨ ਮੰਤਰੀ ਸ਼ਾਹਬਾਜ਼ ਸ਼ਰੀਫ ਦੇ ਸਿਆਸੀ ਸਲਾਹਕਾਰ ਰਾਣਾ ਸਨਾਉੱਲਾ ਨੇ ਦਾਅਵਾ ਕੀਤਾ ਕਿ ਇਸ ਸਾਰੀ ਘਟਨਾ ਪਿੱਛੇ ਭਾਰਤ ਦਾ ਹੱਥ ਹੈ। ਪਾਕਿਸਤਾਨੀ ਨਿਊਜ਼ ਚੈਨਲ ‘ਡਾਨ ਨਿਊਜ਼’ ਨੂੰ ਦਿੱਤੇ ਇੰਟਰਵਿਊ ‘ਚ ਰਾਣਾ ਸਨਾਉੱਲਾ ਨੇ ਕਿਹਾ- ਇਸ ‘ਚ ਕੋਈ ਸ਼ੱਕ ਨਹੀਂ ਕਿ ਭਾਰਤ ਇਹ ਸਭ ਕਰਵਾ ਰਿਹਾ ਹੈ।

ਜਦੋਂ ਐਂਕਰ ਨੇ ਉਸ ਨੂੰ ਰੋਕਿਆ ਅਤੇ ਸਪੱਸ਼ਟ ਕੀਤਾ ਕਿ ਉਹ ਬੀਐਲਏ ਨੂੰ ਪ੍ਰਾਪਤ ਕਥਿਤ ਬਾਹਰੀ ਸਮਰਥਨ ਦੀ ਗੱਲ ਕਰ ਰਿਹਾ ਹੈ ਤਾਂ ਸਨਾਉੱਲਾ ਨੇ ਅਫਗਾਨਿਸਤਾਨ ਦਾ ਨਾਮ ਖਿੱਚਿਆ ਅਤੇ ਕਿਹਾ ਕਿ ਬੀਐਲਏ ਦੇ ਲੜਾਕਿਆਂ ਦੀ ਅਫਗਾਨਿਸਤਾਨ ਵਿੱਚ ਸੁਰੱਖਿਅਤ ਪਨਾਹਗਾਹ ਹੈ, ਜਿੱਥੋਂ ਉਹ ਪਾਕਿਸਤਾਨ ਵਿਰੁੱਧ ਹਮਲਿਆਂ ਦੀ ਯੋਜਨਾ ਬਣਾਉਂਦੇ ਹਨ। “ਬਲੋਚ ਵਿਦਰੋਹ ਅੱਤਵਾਦ ਹੈ, ਸਿਆਸੀ ਲੜਾਈ ਨਹੀਂ” ਰਾਣਾ ਸਨਾਉੱਲਾ ਨੇ ਅੱਗੇ ਕਿਹਾ ਕਿ ਬਲੋਚ ਵਿਦਰੋਹੀਆਂ ਦਾ ਉਦੇਸ਼ ਪਾਕਿਸਤਾਨ ਵਿੱਚ ਦਹਿਸ਼ਤ ਅਤੇ ਖੂਨ-ਖਰਾਬਾ ਫੈਲਾਉਣਾ ਹੈ। ਉਨ੍ਹਾਂ ਕਿਹਾ, “ਜੇ ਉਹ ਸਿਆਸੀ ਲੜਾਈ ਲੜਨਾ ਚਾਹੁੰਦੇ ਹਨ ਤਾਂ ਉਨ੍ਹਾਂ ਨੂੰ ਚੋਣਾਂ ਵਿਚ ਹਿੱਸਾ ਲੈਣਾ ਚਾਹੀਦਾ ਹੈ, ਪਰ ਉਹ ਸਿਰਫ਼ ਦਹਿਸ਼ਤ ਫੈਲਾਉਣਾ ਚਾਹੁੰਦੇ ਹਨ।”ਉਸਨੇ ਇਹ ਵੀ ਦਾਅਵਾ ਕੀਤਾ ਕਿ – “ਤਾਲਿਬਾਨ ਸ਼ਾਸਨ ਤੋਂ ਪਹਿਲਾਂ, ਬੀ.ਐਲ.ਏ. ਨੂੰ ਅਫਗਾਨਿਸਤਾਨ ਵਿੱਚ ਕੋਈ ਥਾਂ ਨਹੀਂ ਮਿਲਦੀ ਸੀ, ਪਰ ਹੁਣ ਉਹਨਾਂ ਨੂੰ ਉਥੋਂ ਸਮਰਥਨ ਮਿਲ ਰਿਹਾ ਹੈ।”