ਪੰਜਾਬ ‘ਚ ਬਰਫਬਾਰੀ! ਸੜਕਾਂ ‘ਤੇ ਵਿਛੀਆਂ ਚਾਦਰਾਂ, ਪੜ੍ਹੋ ਮੌਸਮ ਦਾ ਪੂਰਾ ਹਾਲ…

ਚੰਡੀਗੜ੍ਹ : ਪੰਜਾਬ ‘ਚ ਮੌਸਮ ਬਦਲ ਗਿਆ ਹੈ ਅਤੇ ਮੀਂਹ ਕਾਰਨ ਪੰਜਾਬ ‘ਚ ਇਕ ਵਾਰ ਫਿਰ ਤੋਂ ਠੰਡ ਮਹਿਸੂਸ ਹੋਣ ਲੱਗੀ ਹੈ। ਦੂਜੇ ਪਾਸੇ ਅੰਮ੍ਰਿਤਸਰ ‘ਚ ਦੇਰ ਸ਼ਾਮ ਪਈ ਭਾਰੀ ਗੜੇਮਾਰੀ ਤੋਂ ਬਾਅਦ ਅੰਮ੍ਰਿਤਸਰ ਰਾਜਾਸਾਂਸੀ ਵਿਧਾਨ ਸਭਾ ਹਲਕੇ ਦੀਆਂ ਸੜਕਾਂ ਬਰਫੀਲੇ ਇਲਾਕਿਆਂ ਤੋਂ ਘੱਟ ਨਹੀਂ ਲੱਗ ਰਹੀਆਂ ਹਨ ਅਤੇ ਸੜਕਾਂ ‘ਤੇ ਕਾਫੀ ਬਰਫ ਜਮ੍ਹਾ ਹੋ ਗਈ ਹੈ।

ਉਪਰੋਕਤ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਣ ਤੋਂ ਬਾਅਦ ਅੰਮ੍ਰਿਤਸਰ ਸ਼ਹਿਰ ਦੇ ਨਿਵਾਸੀ ਏਅਰਪੋਰਟ ਰੋਡ ਅਤੇ ਰਾਜਾਸਾਂਸੀ ਇਲਾਕੇ ‘ਚ ਪਹੁੰਚੇ ਅਤੇ ਸੜਕ ‘ਤੇ ਖਿੱਲਰੀ ਬਰਫ ਨੂੰ ਦੇਖ ਕੇ ਸੋਚਿਆ ਕਿ ਇਹ ਸ਼ਿਮਲਾ ਦਾ ਨਜ਼ਾਰਾ ਹੈ।ਇਸ ਦੌਰਾਨ ਸ਼ਹਿਰ ਵਾਸੀਆਂ ਨੇ ਦੱਸਿਆ ਕਿ ਬਰਫ ਦਾ ਅਜਿਹਾ ਨਜ਼ਾਰਾ ਦੇਖਣ ਲਈ ਉਹ ਅਕਸਰ ਹਿਮਾਚਲ ਜਾਂ ਜੰਮੂ-ਕਸ਼ਮੀਰ ਜਾਂਦੇ ਹਨ ਪਰ ਹੁਣ ਬਰਫ ਦਾ ਨਜ਼ਾਰਾ ਅੰਮ੍ਰਿਤਸਰ ‘ਚ ਹੀ ਦੇਖਣ ਨੂੰ ਮਿਲ ਰਿਹਾ ਹੈ।

ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਅੰਮ੍ਰਿਤਸਰ ‘ਚ ਅਜਿਹਾ ਨਜ਼ਾਰਾ ਕਦੇ ਨਹੀਂ ਦੇਖਿਆ ਸੀ ਅਤੇ ਹੁਣ ਇੱਥੇ ਆ ਕੇ ਉਹ ਬਰਫ ‘ਚ ਖੇਡ ਕੇ ਸ਼ਿਮਲਾ ਜਾਣ ਦੀ ਇੱਛਾ ਪੂਰੀ ਕਰ ਰਿਹਾ ਹੈ। ਇਸ ਦੌਰਾਨ ਕੁਝ ਰਾਹਗੀਰਾਂ ਨੇ ਦੱਸਿਆ ਕਿ ਉਹ ਏਅਰਪੋਰਟ ਰੋਡ ਤੋਂ ਲੰਘ ਰਹੇ ਸਨ ਤਾਂ ਦੇਖਿਆ ਕਿ ਸੜਕ ਪੂਰੀ ਤਰ੍ਹਾਂ ਬਰਫ ਨਾਲ ਢਕੀ ਹੋਈ ਸੀ ਅਤੇ ਉਨ੍ਹਾਂ ਨੇ ਰੁਕ ਕੇ ਬਰਫ ਦਾ ਆਨੰਦ ਮਾਣਿਆ।ਇਸ ਗੜੇਮਾਰੀ ਦਾ ਫ਼ਸਲਾਂ ‘ਤੇ ਬਹੁਤ ਮਾੜਾ ਅਸਰ ਪਵੇਗਾ ਅਤੇ ਕਣਕ ਦੀ ਫ਼ਸਲ ਵੀ ਖੇਤਾਂ ‘ਚ ਵਿਛ ਗਈ ਹੈ, ਜਿਸ ਕਾਰਨ ਕਿਸਾਨ ਕਾਫ਼ੀ ਚਿੰਤਤ ਨਜ਼ਰ ਆ ਰਹੇ ਹਨ | ਹੁਣ ਦੇਖਣਾ ਇਹ ਹੈ ਕਿ ਕੀ ਇਹ ਕੁਦਰਤੀ ਆਫ਼ਤ ਰੁਕੇਗੀ ਜਾਂ ਕਿਸਾਨਾਂ ‘ਤੇ ਹੋਰ ਤਬਾਹੀ ਮਚਾਵੇਗੀ।