BSNL ਦੀ ਇਹ ਸੇਵਾ ਹੋਵੇਗੀ ਬੰਦ! ਹੋਵੇਗੀ ਵੱਡੀ ਮੁਸੀਬਤ, ਪੜੋ ਪੂਰੀ ਖਬਰ

ਭਾਰਤ ਸੰਚਾਰ ਨਿਗਮ ਲਿਮਟਿਡ (BSNL) ਵੱਲੋਂ ਅੱਜ 3ਜੀ ਸੇਵਾਵਾਂ ਬੰਦ ਕਰ ਦਿੱਤੀਆਂ ਗਈਆਂ ਹਨ। ਜੀ ਹਾਂ, ਇਹ ਸੇਵਾ ਬਿਹਾਰ ਦੇ ਮੋਤੀਹਾਰੀ, ਕਟਿਹਾਰ, ਖਗੜੀਆ ਅਤੇ ਮੁੰਗੇਰ ਵਰਗੇ ਜ਼ਿਲ੍ਹਿਆਂ ਵਿੱਚ ਬੰਦ ਕਰ ਦਿੱਤੀ ਗਈ ਸੀ, ਜਦੋਂ ਕਿ ਹੁਣ ਪਟਨਾ ਅਤੇ ਹੋਰ ਜ਼ਿਲ੍ਹਿਆਂ ਵਿੱਚ ਵੀ 3ਜੀ ਸੇਵਾਵਾਂ ਬੰਦ ਕਰ ਦਿੱਤੀਆਂ ਗਈਆਂ ਹਨ।

ਅਜਿਹੇ ‘ਚ ਜੇਕਰ ਤੁਸੀਂ ਬਿਹਾਰ ‘ਚ ਰਹਿ ਰਹੇ ਆਪਣੇ ਰਿਸ਼ਤੇਦਾਰ ਨਾਲ ਇੰਟਰਨੈੱਟ ਰਾਹੀਂ ਗੱਲ ਕਰਨਾ ਚਾਹੁੰਦੇ ਹੋ ਤਾਂ ਇਹ ਸੰਭਵ ਨਹੀਂ ਹੋਵੇਗਾ। ਕਿਹਾ ਜਾ ਰਿਹਾ ਹੈ ਕਿ ਉਨ੍ਹਾਂ ਤੱਕ ਸਿਰਫ਼ ਕਾਲ ਅਤੇ ਐਸਐਮਐਸ ਹੀ ਪਹੁੰਚ ਸਕਣਗੇ ਪਰ ਉਹ ਇੰਟਰਨੈੱਟ ‘ਤੇ ਗੱਲ ਨਹੀਂ ਕਰ ਸਕਣਗੇ।ਤੁਹਾਨੂੰ ਦੱਸ ਦੇਈਏ ਕਿ ਪੰਜਾਬ ਵਿੱਚ ਜ਼ਿਆਦਾਤਰ ਲੋਕ ਬਿਹਾਰ ਤੋਂ ਕੰਮ ਕਰਨ ਲਈ ਆਏ ਹਨ, ਇਸ ਲਈ ਜੇਕਰ ਉਹ ਆਪਣੇ ਰਿਸ਼ਤੇਦਾਰਾਂ ਨਾਲ ਗੱਲ ਕਰਦੇ ਹਨ ਤਾਂ ਪਰੇਸ਼ਾਨੀ ਹੋ ਸਕਦੀ ਹੈ।

BSNL ਦੇ ਇਸ ਫੈਸਲੇ ਦਾ ਸਭ ਤੋਂ ਵੱਧ ਅਸਰ ਉਨ੍ਹਾਂ ਗਾਹਕਾਂ ‘ਤੇ ਪਵੇਗਾ ਜੋ ਅਜੇ ਵੀ 3G ਸਿਮ ਦੀ ਵਰਤੋਂ ਕਰ ਰਹੇ ਹਨ। ਸੇਵਾ ਬੰਦ ਹੋਣ ਤੋਂ ਬਾਅਦ, ਇਹ ਗਾਹਕ ਸਿਰਫ ਕਾਲ ਅਤੇ ਐਸਐਮਐਸ ਕਰਨ ਦੇ ਯੋਗ ਹੋਣਗੇ, ਪਰ ਇੰਟਰਨੈਟ ਦੀ ਵਰਤੋਂ ਨਹੀਂ ਕਰ ਸਕਣਗੇ। ਕੰਪਨੀ ਨੇ ਕਿਹਾ ਹੈ ਕਿ ਬਿਹਾਰ ‘ਚ 4ਜੀ ਨੈੱਟਵਰਕ ਤਿਆਰ ਹੈ ਅਤੇ ਇਸ ਆਧਾਰ ‘ਤੇ 3ਜੀ ਸੇਵਾਵਾਂ ਬੰਦ ਕਰਨ ਦਾ ਫੈਸਲਾ ਲਿਆ ਗਿਆ ਹੈ।