ਬਾਲੀਵੁੱਡ ਅਭਿਨੇਤਰੀ ਸ਼ਿਲਪਾ ਸ਼ੈਟੀ ਦੇ ਘਰ ‘ਚ ਸਵੇਰ ਤੋਂ ਹੀ ਮਚਿਆ ਹੰਗਾਮਾ , ਪੜ੍ਹੋ ਪੂਰੀ ਖਬਰ

ਈਡੀ ਨੇ ਮਸ਼ਹੂਰ ਬਾਲੀਵੁੱਡ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਅਤੇ ਉਨ੍ਹਾਂ ਦੇ ਪਤੀ ਰਾਜ ਕੁੰਦਰਾ ਦੇ ਘਰ ਛਾਪੇਮਾਰੀ ਕੀਤੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਈਡੀ ਨੇ ਅੱਜ ਸਵੇਰੇ 6 ਵਜੇ ਸਾਂਤਾ ਕਰੂਜ਼ ਸਥਿਤ ਸ਼ਿਲਪਾ ਸ਼ੈੱਟੀ ਦੇ ਘਰ ਛਾਪਾ ਮਾਰਿਆ ਹੈ। ਜਾਣਕਾਰੀ ਮੁਤਾਬਕ ਸ਼ਿਲਪਾ ਸ਼ੈੱਟੀ ਦੇ ਪਤੀ ਰਾਜ ਕੁੰਦਰਾ ‘ਤੇ ਛਾਪੇਮਾਰੀ ਨੂੰ ਅਸ਼ਲੀਲਤਾ ਦਾ ਮਾਮਲਾ ਦੱਸਿਆ ਜਾ ਰਿਹਾ ਹੈ।

ਜ਼ਿਕਰਯੋਗ ਹੈ ਕਿ ਈਡੀ ਨੇ ਅਸ਼ਲੀਲਤਾ ਮਾਮਲੇ ਨਾਲ ਜੁੜੇ ਰਾਜ ਕੁੰਦਰਾ ਹੀ ਨਹੀਂ ਬਲਕਿ ਹੋਰ ਵੀ ਕਈ ਲੋਕਾਂ ‘ਤੇ ਛਾਪੇਮਾਰੀ ਕੀਤੀ ਹੈ। ਦੱਸ ਦੇਈਏ ਕਿ ਰਾਜ ਕੁੰਦਰਾ ਪਹਿਲਾਂ ਵੀ ਅਸ਼ਲੀਲ ਫਿਲਮਾਂ (ਪੋਰਨੋਗ੍ਰਾਫੀ) ਦੇ ਮਾਮਲੇ ਵਿੱਚ ਗ੍ਰਿਫਤਾਰ ਹੋ ਚੁੱਕੇ ਹਨ। 2021 ‘ਚ ਰਾਜ ਕੁੰਦਰਾ ‘ਤੇ ਕਥਿਤ ਤੌਰ ‘ਤੇ ਅਸ਼ਲੀਲਤਾ ਦੇ ਦੋਸ਼ ਲੱਗੇ ਸਨ, ਜਿਸ ਕਾਰਨ ਉਨ੍ਹਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਸੀ। ਫਿਰ ਉਹ 2 ਸਾਲ ਜੇਲ੍ਹ ਵਿੱਚ ਵੀ ਰਿਹਾ।

ਮਸ਼ਹੂਰ ਕਾਰੋਬਾਰੀ ਅਤੇ ਮਸ਼ਹੂਰ ਬਾਲੀਵੁੱਡ ਅਭਿਨੇਤਰੀ ਸ਼ਿਲਪਾ ਸ਼ੈੱਟੀ ਦੇ ਪਤੀ ਰਾਜ ਕੁੰਦਰਾ ਦਾ ਪੰਜਾਬ ਨਾਲ ਖਾਸ ਸਬੰਧ ਹੈ। ਉਹ ਮੂਲ ਰੂਪ ਵਿੱਚ ਲੁਧਿਆਣਾ, ਪੰਜਾਬ ਦਾ ਵਸਨੀਕ ਹੈ।ਰਾਜ ਕੁੰਦਰਾ ਦੇ ਪਿਤਾ ਦੀ ਲੁਧਿਆਣਾ ਵਿੱਚ ਫੈਕਟਰੀ ਸੀ ਅਤੇ ਬਾਅਦ ਵਿੱਚ ਉਨ੍ਹਾਂ ਦਾ ਪਰਿਵਾਰ ਲੰਡਨ ਚਲਾ ਗਿਆ।ਭਾਵੇਂ ਰਾਜ ਕੁੰਦਰਾ ਦਾ ਜਨਮ ਲੰਡਨ ਵਿੱਚ ਹੋਇਆ ਸੀ, ਪਰ ਉਨ੍ਹਾਂ ਦੇ ਪਿਤਾ ਬਾਲਕਿਸ਼ਨ ਕੁੰਦਰਾ ਪੰਜਾਬ ਦੇ ਉਦਯੋਗਿਕ ਸ਼ਹਿਰ ਲੁਧਿਆਣਾ ਦੇ ਵਸਨੀਕ ਸਨ।ਬਾਲ ਕਿਸ਼ਨ ਕੁੰਦਰਾ ਦੀ ਮਾਤਾ ਰਾਣੀ ਚੌਕ ਸਥਿਤ ਕੁੰਦਰਾ ਡਾਇੰਗ ਫੈਕਟਰੀ ਸੀ। ਉਹ ਕਾਫੀ ਦੇਰ ਤੱਕ ਇਸ ਫੈਕਟਰੀ ਨੂੰ ਚਲਾਉਂਦਾ ਰਿਹਾ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਬਾਲ ਕਿਸ਼ਨ ਕੁੰਦਰਾ ਲੰਡਨ ਚਲੇ ਗਏ ਅਤੇ ਉੱਥੇ ਉਨ੍ਹਾਂ ਨੇ ਇਕ ਵੱਡੇ ਕਾਰੋਬਾਰੀ ਵਜੋਂ ਆਪਣੀ ਛਵੀ ਬਣਾਈ।

ਕਾਰੋਬਾਰੀ ਰਾਜ ਕੁੰਦਰਾ ਮਈ 2014 ਵਿੱਚ ਸ਼ਿਲਪਾ ਸ਼ੈਟੀ ਨਾਲ ਵਿਆਹ ਤੋਂ ਬਾਅਦ ਆਪਣੀ ਜਿਊਲਰੀ ਚੇਨ ਦੇ 5ਵੇਂ ਸ਼ੋਅਰੂਮ ਦਾ ਉਦਘਾਟਨ ਕਰਨ ਲਈ ਫਵਾਰਾ ਚੌਕ ਆਇਆ ਸੀ। ਇਸ ਦੌਰਾਨ ਉਹ ਰਿਸ਼ਤੇਦਾਰਾਂ ਨਾਲ ਸਮਾਂ ਬਿਤਾਉਣ ਤੋਂ ਬਾਅਦ ਮੁੰਬਈ ਵਾਪਸ ਆ ਗਏ।ਉਸ ਤੋਂ ਬਾਅਦ ਉਹ ਕਦੇ ਲੁਧਿਆਣਾ ਨਹੀਂ ਆਇਆ। ਪਰ ਸ਼ਿਲਪਾ ਸ਼ੈੱਟੀ ਇਸ ਸਾਲ ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਹਲਕੇ ਸੰਗਰੂਰ ਤੋਂ ਧੂਰੀ ਪਹੁੰਚੀ ਸੀ ਜਿੱਥੇ ਉਸ ਨੇ ਪ੍ਰਸਿੱਧ ਸਮਾਜ ਸੇਵਕ ਸੁਰਿੰਦਰ ਸਿੰਘ ਨਿੱਝਰ ਵੱਲੋਂ ਲਗਾਏ ਗਏ ਅੱਖਾਂ ਦਾਨ ਕੈਂਪ ਵਿੱਚ ਸ਼ਮੂਲੀਅਤ ਕੀਤੀ ਸੀ।