ਅਪਰਾਧ
ਪਾਕਿਸਤਾਨ ਤੋਂ ਆਈ ਕੁੜੀ ਨੇ ਕਸਟਮ ਵਿਭਾਗ ਦੇ ਉਡਾਏ ਹੋਸ਼, ਕੀਤਾ ਗ੍ਰਿਫਤਾਰ
ਅੰਮ੍ਰਿਤਸਰ: ਆਈ.ਸੀ.ਪੀ. ਅਟਾਰੀ ਬਾਰਡਰ ‘ਤੇ ਕਸਟਮ ਵਿਭਾਗ ਦੀ ਟੀਮ ਨੇ ਪਾਕਿਸਤਾਨ ਤੋਂ ਆਈ 19 ਸਾਲਾ ਲੜਕੀ ਕੋਲੋਂ 1.62 ਕਰੋੜ ਰੁਪਏ ਦਾ ਸੋਨਾ ਜ਼ਬਤ ਕੀਤਾ ਹੈ। ਜਾਣਕਾਰੀ ਮੁਤਾਬਕ ਨੋਇਡਾ ਦੀ ਰਹਿਣ ਵਾਲੀ ਮਹਿਲਾ ਆਪਣੇ ਰਿਸ਼ਤੇਦਾਰ ਨੂੰ ਮਿਲਣ ਲਈ ਪਾਕਿਸਤਾਨ ਗਈ ਸੀ ਅਤੇ ਵਾਪਸੀ ਦੌਰਾਨ ਆਪਣੇ ਨਾਲ ਸੋਨੇ ਦੀ ਖੇਪ ਲੈ ਕੇ ਆਈ ਸੀ।
ਇਹ ਸੋਨਾ ਬੜੀ ਹੁਸ਼ਿਆਰੀ ਨਾਲ ਭਾਂਡੇ ਦੀ ਸ਼ਕਲ ਵਿਚ ਛੁਪਾ ਕੇ ਸੋਨੇ ਦੀ ਤਸਕਰੀ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਸੀ ਪਰ ਕਸਟਮ ਟੀਮ ਨੂੰ ਧੋਖਾ ਦੇਣ ਵਿਚ ਇਹ ਬੁਰੀ ਤਰ੍ਹਾਂ ਨਾਕਾਮ ਰਿਹਾ। ਸੂਤਰਾਂ ਮੁਤਾਬਕ ਲੜਕੀ ਨੂੰ ਗ੍ਰਿਫਤਾਰ ਕਰਨ ਤੋਂ ਬਾਅਦ ਉਸ ਦੀ ਮਾਂ ਨੂੰ ਵੀ ਕਸਟਮ ਵਿਭਾਗ ਨੇ ਜਾਂਚ ਲਈ ਰੋਕ ਦਿੱਤਾ ਹੈ।
Facebook Comments
