ਸਕੂਲੀ ਵਿਦਿਆਰਥੀਆਂ ਨੂੰ ਫੀਲਡ ਟਰਿੱਪਾਂ ਵਾਸਤੇ ਵੱਖ -ਵੱਖ ਸਥਾਨਾਂ ਦਾ ਕਰਵਾਇਆ ਦੌਰਾ

ਲੁਧਿਆਣਾ : ਯੂਥ ਇਨ ਅਰਬਨ ਗਵਰਨੈਂਸ (ਯੂ.ਯੂ.ਜੀ.) 2023-24, ਜੋ ਕਿ ਜ਼ਿਲ੍ਹਾ ਪ੍ਰਸ਼ਾਸਨ, ਨਗਰ ਨਿਗਮ ਅਤੇ ਲੁਧਿਆਣਾ ਸਮਾਰਟ ਸਿਟੀ ਦੇ ਸਾਂਝੇ ਯਤਨਾ ਦੁਆਰਾ ਕੀਤੀ ਗਈ ਪਹਿਲ ਕਦਮੀ ਅਨੁਸਾਰ ਵਿਦਿਆਰਥੀਆਂ ਲਈ ਵੱਖ-ਵੱਖ ਗਤੀਵਿਧੀਆਂ ਦਾ ਆਯੋਜਨ ਕੀਤਾ ਗਿਆ।

ਵਿਦਿਆਰਥੀਆਂ ਨੂੰ ਅੱਜ 3 ਵੱਖ-ਵੱਖ ਸਥਾਨਾਂ ਆਈਸੀਸੀਸੀ (ਗਿਆਰ੍ਹਵੀਂ ਅਤੇ ਬਾਰ੍ਹਵੀਂ ਜਮਾਤ), ਬਾਇਓ ਗੈਸ ਪਲਾਂਟ (ਨੌਵੀਂ ਅਤੇ ਦਸਵੀਂ ਜਮਾਤ) ਅਤੇ ਨਹਿਰੂ ਪਲੈਨੇਟੇਰੀਅਮ (ਜਮਾਤ ਤੀਜੀ ਤੋਂ ਪੰਜਵੀਂ ਜਮਾਤ) ਵਿੱਚ ਲਿਜਾਇਆ ਗਿਆ।

ਆਈਸੀਸੀਸੀ ਵਿਖੇ 50 ਵਿਦਿਆਰਥੀਆਂ ਅਤੇ 2 ਅਧਿਆਪਕਾਂ ਨੂੰ ਸ਼ਹਿਰ ਵਿੱਚ ਕ੍ਰਾਈਮ ਰੇਟ ਨੂੰ ਕੰਟਰੋਲ ਕਰਨ ਲਈ ਲੁਧਿਆਣਾ ਵਿੱਚ ਵੱਖ-ਵੱਖ ਥਾਵਾਂ ‘ਤੇ ਲਗਾਏ ਗਏ ਵੱਖ-ਵੱਖ ਕੈਮਰਿਆਂ ਬਾਰੇ ਜਾਣਕਾਰੀ ਦਿੱਤੀ ਗਈ ਅਤੇ ਪ੍ਰਾਪਰਟੀ ਟੈਕਸ ਦੀ ਮਹੱਤਤਾ ਬਾਰੇ ਵੀ ਦੱਸਿਆ ਗਿਆ।

50 ਵਿਦਿਆਰਥੀਆਂ ਨੇ 2 ਅਧਿਆਪਕਾਂ ਨਾਲ ਮਿਲ ਕੇ ਬਾਇਓ ਗੈਸ ਪਲਾਂਟ ਦਾ ਦੌਰਾ ਕੀਤਾ ਅਤੇ ਜਾਨਵਰਾਂ ਦੀ ਰਹਿੰਦ-ਖੂੰਹਦ ਤੋਂ ਬਾਇਓ ਗੈਸ ਦੇ ਉਤਪਾਦਨ ਬਾਰੇ ਜਾਣਕਾਰੀ ਹਾਸਲ ਕੀਤੀ। ਸਾਰਿਆਂ ਲਈ ਤਜਰਬਾ ਵੇਖ ਕੇ ਇਹ ਇਕ ਚੰਗੀ ਸਿਖਲਾਈ ਸੀ।

25 ਵਿਦਿਆਰਥੀਆਂ ਨੇ 2 ਅਧਿਆਪਕਾਂ ਦੇ ਨਾਲ ਨਹਿਰੂ ਪਲੈਨੇਟੇਰੀਅਮ ਦਾ ਦੌਰਾ ਕੀਤਾ ਅਤੇ ਉਨ੍ਹਾਂ ਨੂੰ ਸੌਰ ਮੰਡਲ ਵਿੱਚ ਵੱਖ-ਵੱਖ ਗ੍ਰਹਿਆਂ ਦੀ ਬਣਤਰ, ਕਾਰਜਸ਼ੀਲਤਾ, ਵਿਵਸਥਾਵਾਂ ਦਿਖਾਈਆਂ ਗਈਆਂ। ਇਹ ਫੇਰੀ ਬੱਚਿਆਂ ਨੂੰ ਅਗਲੀ ਦੁਨੀਆਂ ਵਿੱਚ ਲੈ ਗਈ।