ਬੀਸੀਐਮ ਆਰੀਆ ਸਕੂਲ ਵਿਖੇ ਸਪਰਿੰਗ ਕਾਰਨੀਵਾਲ ਦਾ ਆਯੋਜਨ

ਲੁਧਿਆਣਾ : ਬੀਸੀਐਮ ਆਰੀਆ ਸਕੂਲ ਲਲਤੋਂ, ਲੁਧਿਆਣਾ ਵਿਖੇ ਵਿਦਿਆਰਥੀਆਂ ਲਈ ਸਪਰਿੰਗ ਕਾਰਨੀਵਾਲ ਕਰਵਾਇਆ ਗਿਆ । ਨਰਸਰੀ ਤੋਂ ਅੱਠਵੀਂ ਜਮਾਤ ਦੇ ਵਿਦਿਆਰਥੀਆਂ ਨੇ ਬੜੇ ਉਤਸ਼ਾਹ ਨਾਲ ਭਾਗ ਲਿਆ | ਸਕੂਲ ਦੇ ਵਿਹੜੇ ਨੂੰ ਆਕਰਸ਼ਕ ਤਰੀਕੇ ਨਾਲ ਸਜਾਇਆ ਗਿਆ ਸੀ।

ਸਕੂਲੀ ਵਿਦਿਆਰਥੀਆਂ ਲਈ ਜਿੱਥੇ ਵੱਖ-ਵੱਖ ਝੂਲਿਆਂ, ਖੇਡਾਂ ਅਤੇ ਡੀ ਜੇ ਜ਼ੋਨ ਦਾ ਪ੍ਰਬੰਧ ਕੀਤਾ ਗਿਆ ਸੀ, ਉਥੇ ਹੀ ਨਰਸਰੀ ਦੇ ਵਿਦਿਆਰਥੀਆਂ ਨੂੰ ਵੀ ਸੰਗੀਤ ਕੈਫੇ ਨੇ ਮੰਤਰ ਮੁਗਧ ਕਰ ਦਿੱਤਾ।

ਜਿਸ ਵਿਚ ਤਾਜ਼ਾ ਪੌਪ ਹਿੱਟ ਤੋਂ ਲੈ ਕੇ ਭੰਗੜੇ ਤੱਕ ਦੇ ਗੀਤ ਗਾਏ ਗਏ। ਠੰਡ ਦੇ ਮੌਸਮ ਨੇ ਵੀ ਵਿਦਿਆਰਥੀਆਂ ਦਾ ਉਤਸ਼ਾਹ ਵਧਾਇਆ ਅਤੇ ਉਹ ਵੱਖ-ਵੱਖ ਗਤੀਵਿਧੀਆਂ ਦਾ ਆਨੰਦ ਮਾਣਦੇ ਨਜ਼ਰ ਆਏ।