ਡੇਂਗੂ ਹੋਣ ਤੋਂ ਬਚਾਉਣਗੇ ਇਹ 7 ਇਮਿਊਨਿਟੀ ਵਧਾਉਣ ਵਾਲੇ ਫ਼ੂਡ, ਮੌਨਸੂਨ ਦੌਰਾਨ ਜ਼ਰੂਰ ਕਰੋ ਸੇਵਨ

ਡੇਂਗੂ ਹਰ ਸਾਲ ਮੌਨਸੂਨ ‘ਚ ਵੱਡੀ ਆਬਾਦੀ ਨੂੰ ਪ੍ਰਭਾਵਿਤ ਕਰਦਾ ਹੈ। ਡੇਂਗੂ ਬੁਖਾਰ ਸਭ ਤੋਂ ਪਹਿਲਾਂ ਕਮਜ਼ੋਰ ਇਮਿਊਨ ਸਿਸਟਮ ਵਾਲੇ ਲੋਕਾਂ ਨੂੰ ਮਾਰਦਾ ਹੈ। ਮਜ਼ਬੂਤ ਇਮਿਊਨਿਟੀ ਡੇਂਗੂ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਰੋਕਣ ‘ਚ ਮਦਦ ਕਰਦੀ ਹੈ। ਮਜ਼ਬੂਤ ਇਮਿਊਨ ਸਿਸਟਮ ਬਣਾਉਣਾ ਡੇਂਗੂ ਨਾਲ ਲੜਨ ਦਾ ਵਧੀਆ ਤਰੀਕਾ ਹੈ। ਇਮਿਊਨ ਸਿਸਟਮ ਨੂੰ ਮਜ਼ਬੂਤ ਕਰਨ ਲਈ ਕੁਝ ਭੋਜਨ ਹਨ ਜੋ ਡੇਂਗੂ ਨੂੰ ਰੋਕਣ ‘ਚ ਮਦਦ ਕਰਦੇ ਹਨ। ਤਾਂ ਆਓ ਅੱਜ ਜਾਣਦੇ ਹਾਂ ਉਨ੍ਹਾਂ ਫੂਡਜ਼ ਬਾਰੇ…

ਡੇਂਗੂ ਤੋਂ ਬਚਾਉਣ ਵਾਲੇ ਫੂਡਜ਼
ਸਿਟ੍ਰਸ ਫ਼ੂਡ : ਸਿਟ੍ਰਸ ਫ਼ੂਡ ਯਾਨਿ ਕਿ ਖੱਟੇ ਨਾਲ ਭਰਪੂਰ ਫੂਡਜ਼ ਹੁੰਦੇ ਹਨ ਜੋ ਇਮਿਊਨਿਟੀ ਨੂੰ ਮਜ਼ਬੂਤ ਕਰਨ ‘ਚ ਮਦਦ ਕਰਦਾ ਹੈ। ਵਿਟਾਮਿਨ ਸੀ ਚਿੱਟੇ ਸੈੱਲਜ਼ ਦੇ ਉਤਪਾਦਨ ‘ਚ ਮਦਦ ਕਰਦਾ ਹੈ ਜੋ ਸਰੀਰ ਦੇ ਰੋਗਾਂ ਨਾਲ ਲੜਨ ਵਾਲੇ ਸੈੱਲ ਹਨ। ਇਹ ਭੋਜਨ ਐਂਟੀਆਕਸੀਡੈਂਟਸ ਨਾਲ ਵੀ ਭਰਪੂਰ ਹੁੰਦੇ ਹਨ ਜੋ ਸਰੀਰ ਨੂੰ ਫ੍ਰੀ ਰੈਡੀਕਲਸ ਦੇ ਕਾਰਨ ਹੋਣ ਵਾਲੇ ਨੁਕਸਾਨ ਤੋਂ ਬਚਾਉਂਦੇ ਹਨ। ਕੁਝ ਖੱਟੇ ਭੋਜਨਾਂ ‘ਚ ਸ਼ਾਮਲ ਹਨ- ਨਿੰਬੂ, ਸੰਤਰਾ, ਅੰਗੂਰ, ਕੀਵੀ ਆਦਿ।

ਅਦਰਕ : ਇੱਕ ਜੜੀ ਬੂਟੀ ਹੈ ਜੋ ਚਾਹ ‘ਚ ਸੁਆਦ ਜੋੜਨ ਲਈ ਵਰਤੀ ਜਾਂਦੀ ਹੈ। ਅਦਰਕ ਇਮਿਊਨਿਟੀ ਵਧਾਉਣ ਵਾਲਾ ਭੋਜਨ ਵੀ ਹੈ। ਅਦਰਕ ਗਲੇ ‘ਚ ਖਰਾਸ਼, ਸੋਜ, ਮਤਲੀ ਅਤੇ ਡੇਂਗੂ ਬੁਖਾਰ ਦੇ ਹੋਰ ਲੱਛਣਾਂ ਦੇ ਇਲਾਜ ‘ਚ ਬਹੁਤ ਮਦਦਗਾਰ ਹੈ।

ਹਲਦੀ : ਹਲਦੀ ਨੂੰ ਸੁਨਹਿਰੀ ਮਸਾਲਾ ਕਿਹਾ ਜਾਂਦਾ ਹੈ ਜੋ ਔਸ਼ਧੀ ਗੁਣਾਂ ਨਾਲ ਭਰਪੂਰ ਹੁੰਦਾ ਹੈ। ਹਲਦੀ ਇਮਿਊਨ ਸਿਸਟਮ ਦੇ ਕੰਮਕਾਜ ਨੂੰ ਸੁਧਾਰਨ ‘ਚ ਵੀ ਮਦਦ ਕਰਦੀ ਹੈ। ਇਹ ਮਸਾਲਾ ਐਂਟੀ-ਇੰਫਲੇਮੇਟਰੀ ਗੁਣਾਂ ਨਾਲ ਭਰਪੂਰ ਹੁੰਦਾ ਹੈ। ਤੁਸੀਂ ਦੁੱਧ ‘ਚ ਥੋੜ੍ਹੀ ਹਲਦੀ ਮਿਲਾ ਸਕਦੇ ਹੋ ਜਾਂ ਹਲਦੀ ਵਾਲੀ ਚਾਹ ਪੀ ਸਕਦੇ ਹੋ। ਇਸ ਨੂੰ ਵੱਖ-ਵੱਖ ਭੋਜਨਾਂ ‘ਚ ਵੀ ਮਿਲਾ ਸਕਦੇ ਹੋ।

ਲਸਣ : ਭੋਜਨ ‘ਚ ਲਸਣ ਇੱਕ ਵਧੀਆ ਦਵਾਈ ਹੈ। ਇਹ ਲਗਭਗ ਹਰ ਭਾਰਤੀ ਰਸੋਈ ਦਾ ਹਿੱਸਾ ਹੈ। ਲਸਣ ਵਧੀਆ ਇਮਿਊਨਿਟੀ ‘ਚ ਵੀ ਯੋਗਦਾਨ ਪਾ ਸਕਦਾ ਹੈ। ਇਹ ਇੰਫੈਕਸ਼ਨ ਨਾਲ ਲੜਨ ‘ਚ ਮਦਦ ਕਰਦਾ ਹੈ। ਲਸਣ ‘ਚ ਐਂਟੀਬੈਕਟੀਰੀਅਲ ਅਤੇ ਐਂਟੀ ਫੰਗਲ ਗੁਣ ਵੀ ਹੁੰਦੇ ਹਨ। ਲਸਣ ‘ਚ ਸਲਫਰ ਦੀ ਮੌਜੂਦਗੀ ਵਧੀਆ ਇਮਮਿਊਨਿਟੀ ‘ਚ ਯੋਗਦਾਨ ਪਾਉਂਦੀ ਹੈ। ਬੁਖਾਰ, ਸਿਰਦਰਦ ਦੇ ਨਾਲ ਠੰਢ ਲੱਗਣਾ ਮਲੇਰੀਆ ਦੇ ਲੱਛਣ ਹੁੰਦੇ ਹਨ !

ਦਹੀ : ਦਹੀਂ ਇੱਕ ਮਜ਼ਬੂਤ ਪ੍ਰੋਬਾਇਓਟਿਕ ਹੈ ਜੋ ਇਮਿਊਨ ਸਿਸਟਮ ਦੇ ਕੰਮਕਾਜ ਨੂੰ ਉਤੇਜਿਤ ਕਰਦਾ ਹੈ। ਤੁਸੀਂ ਦਿਨ ਦੇ ਕਿਸੇ ਵੀ ਸਮੇਂ ਤਾਜ਼ੇ ਦਹੀਂ ਦਾ ਆਨੰਦ ਲੈ ਸਕਦੇ ਹੋ। ਇਹ ਤੁਹਾਡੇ ਲਈ ਇੱਕ ਤਾਜ਼ਗੀ ਭਰਪੂਰ ਇਲਾਜ ਹੋਵੇਗਾ ਜੋ ਸਿਹਤ ਲਾਭਾਂ ਨਾਲ ਭਰਿਆ ਹੋਇਆ ਹੈ। ਦਹੀਂ ਤੁਹਾਡੀ ਪਾਚਨ ਕਿਰਿਆ ਨੂੰ ਸੁਧਾਰਨ ‘ਚ ਵੀ ਤੁਹਾਡੀ ਮਦਦ ਕਰੇਗਾ।

ਪਾਲਕ : ਪਾਲਕ ਸਭ ਤੋਂ ਸਿਹਤਮੰਦ ਪੱਤੇਦਾਰ ਸਾਗ ‘ਚੋਂ ਇੱਕ ਹੈ। ਪੱਤੇਦਾਰ ਸਬਜ਼ੀਆਂ ਤੁਹਾਡੀ ਡਾਇਟ ਦਾ ਜ਼ਰੂਰੀ ਹਿੱਸਾ ਹੋਣੀਆਂ ਚਾਹੀਦੀਆਂ ਹਨ ਅਤੇ ਪਾਲਕ ਤੁਹਾਡੀ ਪਹਿਲੀ ਪਸੰਦ ਹੋ ਸਕਦੀ ਹੈ। ਪਾਲਕ ਵਿਟਾਮਿਨ ਸੀ, ਐਂਟੀਆਕਸੀਡੈਂਟਸ ਅਤੇ ਬੀਟਾ-ਕੈਰੋਟੀਨ ਨਾਲ ਭਰਪੂਰ ਹੁੰਦੀ ਹੈ ਜੋ ਇਮਿਊਨਿਟੀ ਵਧਾਉਣ ‘ਚ ਮਦਦ ਕਰਦੀ ਹੈ। ਪਾਲਕ ‘ਚ ਫਾਈਬਰ ਵੀ ਭਰਪੂਰ ਹੁੰਦਾ ਹੈ ਜੋ ਭਾਰ ਘਟਾਉਣ ਨੂੰ ਉਤਸ਼ਾਹਿਤ ਕਰ ਸਕਦਾ ਹੈ।

ਬਦਾਮ : ਨਟਸ ਦਾ ਸੇਵਨ ਇੱਕ ਹੈਲਥੀ ਆਪਸ਼ਨ ਹੈ। ਇਮਿਊਨਿਟੀ ਵਧਾਉਣ ਲਈ ਤੁਸੀਂ ਬਦਾਮ ਦਾ ਸੇਵਨ ਕਰ ਸਕਦੇ ਹੋ ਕਿਉਂਕਿ ਇਹ ਵਿਟਾਮਿਨ ਈ ਨਾਲ ਭਰਪੂਰ ਹੁੰਦਾ ਹੈ। ਬਦਾਮ ਕਈ ਪੋਸ਼ਕ ਤੱਤਾਂ ਨਾਲ ਭਰਪੂਰ ਹੁੰਦੇ ਹਨ। ਦਿਨ ‘ਚ ਕੁਝ ਬਦਾਮ ਦਿਲ ਦੀ ਸਿਹਤ ਨੂੰ ਵਧਾਉਣ ‘ਚ ਮਦਦ ਕਰਦੇ ਹਨ।