ਪੰਜਾਬੀ
ਐਸ ਸੀ ਡੀ ਸਰਕਾਰੀ ਕਾਲਜ ‘ਚ ਹਸਦਾ ਪੰਜਾਬ – ਮੇਰਾ ਖਵਾਬ ‘ਤੇ ਕਰਵਾਇਆ ਲੈਕਚਰ
ਲੁਧਿਆਣਾ : ਏਕ ਭਾਰਤ- ਉੱਤਮ ਭਾਰਤ ਤਹਿਤ ਹੱਸਦਾ ਪੰਜਾਬ: ਮੇਰਾ ਖਵਾਬ ਨੂੰ ਲੈ ਕੇ ਐਸ.ਸੀ.ਡੀ. ਸਰਕਾਰੀ ਕਾਲਜ, ਲੁਧਿਆਣਾ ਵਿਖੇ ਡਾ. ਨਿਰਮਲ ਜੌੜਾ, ਸਹਾਇਕ ਡਾਇਰੈਕਟਰ ਯੁਵਕ ਸੇਵਾਵਾਂ, ਪੀਏਯੂ ਅਤੇ ਸਾਬਕਾ ਡਾਇਰੈਕਟਰ ਯੁਵਕ ਸੇਵਾਵਾਂ ਦੁਆਰਾ ਲੈਕਚਰ ਦਾ ਆਯੋਜਨ ਕੀਤਾ ਗਿਆ।
ਪੰਜਾਬ ਯੂਨੀਵਰਸਿਟੀ ‘ਚ ਡਾ. ਨਿਰਮਲ ਜੌੜਾ ਏਕ ਭਾਰਤ, ਸ੍ਰੇਸ਼ਟ ਭਾਰਤ ਪ੍ਰੋਜੈਕਟ ਦੇ ਪੰਜਾਬ ਦੇ ਬ੍ਰਾਂਡ ਅੰਬੈਸਡਰ ਹਨ ਜਦੋਂ ਕਿ ਪੰਜਾਬ ਵਿੱਚ ਇਸ ਦੇ ਨਿਰਦੇਸ਼ਕ ਪ੍ਰੋ (ਡਾ.) ਅਸ਼ਵਨੀ ਭੱਲਾ ਹਨ। ਡਾ.ਭੱਲਾ ਨੇ ਦੱਸਿਆ ਕਿ ਭਵਿੱਖ ਵਿੱਚ ਸਰਕਾਰ ਦੀਆਂ ਨੀਤੀਗਤ ਪਹਿਲਕਦਮੀਆਂ ਅਜਿਹਾ ਮਾਹੌਲ ਸਿਰਜਣਗੀਆਂ ਜਿਸ ਨਾਲ ਦੇਸ਼ ਦੀ ਵੱਡੀ ਆਬਾਦੀ ਨੂੰ ਲਾਭ ਮਿਲੇਗਾ ਤਾਂ ਜੋ ਨੌਜਵਾਨ ਪੰਜਾਬ ਵਿੱਚ ਹੀ ਰਹਿਣ ਲਈ ਦ੍ਰਿੜ ਹੋਣਗੇ।
ਕਾਲਜ ਪ੍ਰਿੰਸੀਪਲ, ਪ੍ਰੋ (ਡਾ) ਪਰਦੀਪ ਸਿੰਘ ਵਾਲੀਆ ਨੇ ਅੱਜ ਦੇ ਨੌਜਵਾਨਾਂ ਨੂੰ ਦਿਸ਼ਾ ਦਿਖਾਉਣ ਲਈ ਪ੍ਰੋ: ਭੱਲਾ ਅਤੇ ਡਾ: ਨਿਰਮਲ ਜੌੜਾ ਦਾ ਬਹੁਤ ਅਹਿਮ ਉਪਰਾਲੇ ਦਾ ਧੰਨਵਾਦ ਕੀਤਾ। ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਡਾ. ਜੌੜਾ ਵੱਲੋਂ ਦਿਖਾਏ ਗਏ ਦੂਰਅੰਦੇਸ਼ੀ ਮਾਰਗ ‘ਤੇ ਤਨਦੇਹੀ ਨਾਲ ਚੱਲਣ ਲਈ ਵੀ ਪ੍ਰੇਰਿਤ ਕੀਤਾ।
ਡਾ ਜੌੜਾ ਨੇ ਕਿਹਾ ਕਿ ਖੁੱਲਾ ਸੰਚਾਰ ਵਿਚਾਰਾਂ ਦਾ ਤਾਲਾ ਖੋਲ੍ਹਣ ਦੀ ਕੁੰਜੀ ਹੈ। ਇਸ ਲਈ ਬਿਨਾਂ ਝਿਜਕ ਗੱਲ ਸਾਂਝੀ ਕਰੋ, ਵੱਡੇ ਸੁਪਨੇ ਲਓ ਅਤੇ ਵੱਡੀ ਪ੍ਰਾਪਤੀ ਕਰੋ । ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਕਰੀਅਰ ਦੇ ਕਈ ਮੌਕਿਆਂ ਬਾਰੇ ਵੀ ਜਾਗਰੂਕ ਕੀਤਾ ਅਤੇ ਉਨ੍ਹਾਂ ਨੂੰ ਵਿਦੇਸ਼ਾਂ ਦੇ ਲਾਲਚ ਵਿੱਚ ਨਾ ਆਉਣ ਲਈ ਪ੍ਰੇਰਿਤ ਕੀਤਾ।
