ਅਪਰਾਧ
ਲੁਧਿਆਣਾ ‘ਚ ਨਕਲੀ ਨੋਟਾਂ ਦੀ ਸਪਲਾਈ ਕਰਨ ਵਾਲੇ ਨੂੰ ਐਨਆਈਏ ਲੈ ਗਈ ਦਿੱਲੀ
ਲੁਧਿਆਣਾ : ਦੂਜੇ ਦੇਸ਼ਾਂ ਤੋਂ ਭਾਰਤ ਦੇ ਵੱਖ-ਵੱਖ ਸੂਬਿਆਂ ‘ਚ ਨਕਲੀ ਨੋਟਾਂ ਦੇ ਚੱਲਣ ਦੀ ਜਾਂਚ ਕਰ ਰਹੀ ਐੱਨਆਈਏ ਦੀ ਟੀਮ ਨੇ ਲੁਧਿਆਣਾ ਦੇ ਬੱਸ ਸਟੈਂਡ ਨੇੜੇ ਸਥਿਤ ਸੀਤਾ ਨਗਰ ਇਲਾਕੇ ‘ਚ ਛਾਪੇਮਾਰੀ ਕੀਤੀ। ਜਿੱਥੋਂ ਉਹ ਇਕ ਨੌਜਵਾਨ ਨੂੰ ਆਪਣੇ ਨਾਲ ਲੈ ਗਈ ਹੈ । ਸੂਤਰਾਂ ਦਾ ਕਹਿਣਾ ਹੈ ਕਿ ਟੀਮ ਨੇ ਕਾਫੀ ਸਾਮਾਨ ਬਰਾਮਦ ਕੀਤਾ ਹੈ, ਜਿਸ ਨੂੰ ਬੈਗ ‘ਚ ਪਾ ਕੇ ਲੈ ਗਏ ਹਨ।
ਟੀਮ ਨੇ ਕਿਸੇ ਨੂੰ ਉਸ ਬਾਰੇ ਕੁਝ ਵੀ ਨਹੀਂ ਦੱਸਿਆ। ਜਾਣਕਾਰੀ ਮੁਤਾਬਕ ਟੀਮ ਦੇ 2 ਇੰਸਪੈਕਟਰ ਸਵੇਰੇ ਆਪਣੀ ਫੋਰਸ ਸਮੇਤ ਲੁਧਿਆਣਾ ਪੁਲਸ ਕੋਲ ਪਹੁੰਚੇ। ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਰਮਨ ਨਾਂ ਦੇ ਵਿਅਕਤੀ ਦੇ ਘਰ ਛਾਪਾ ਮਾਰਿਆ। ਟੀਵੀ, ਫਰਿੱਜ, ਸੋਫੇ ਤੋਂ ਲੈ ਕੇ ਘਰ ਦੇ ਬਾਥਰੂਮ ਤੱਕ ਤਲਾਸ਼ੀ ਲਈ ਗਈ । ਉਨ੍ਹਾਂ ਨੇ ਲਿਫਾਫੇ ਵਿਚੋਂ ਮਿਲਿਆ ਸਾਮਾਨ ਆਪਣੇ ਕਬਜ਼ੇ ਵਿਚ ਲੈ ਲਿਆ। ਸਾਰਾ ਸਾਮਾਨ ਚੁੱਕ ਕੇ ਉਕਤ ਨੌਜਵਾਨ ਨੂੰ ਆਪਣੇ ਨਾਲ ਦਿੱਲੀ ਲੈ ਗਏ।
Facebook Comments
