ਅਕਾਈ ਹਸਪਤਾਲ ਵਿਖੇ ਪ੍ਰੋਸਟੇਟ ਅਤੇ ਪੱਥਰੀ ਲਈ ਨਿਊ ਜਨਰੇਸ਼ਨ ਲੇਜ਼ਰ ਵਰਕਸ਼ਾਪ

ਲੁਧਿਆਣਾ : ਭਾਰਤ ਦੇ ਨਾਮਵਰ ਯੂਰੋਲੋਜਿਸਟਸ ਦੇ ਨਾਲ ਅਕਾਈ ਹਸਪਤਾਲ, ਲੁਧਿਆਣਾ ਦੇ ਯੂਰੋਲੋਜੀ ਅਤੇ ਟ੍ਰਾਂਸਪਲਾਂਟ ਵਿਭਾਗ ਦੁਆਰਾ ਪ੍ਰੋਸਟੇਟ ਅਤੇ ਪੱਥਰੀ ਦੇ ਇਲਾਜ ਲਈ ਤਕਨਾਲੋਜੀ ਦੀ ਤਰੱਕੀ ਨੂੰ ਦਰਸਾਉਣ ਲਈ “ਐਡਵਾਂਸ ਇਨ ਐਂਡੋਰੌਲੋਜੀ ਲਾਈਵ ਓਪਰੇਟਿਵ ਥੂਲੀਅਮ ਫਾਈਬਰ ਲੇਜ਼ਰ ਫਾਰ ਪ੍ਰੋਸਟੇਟ ਐਂਡ ਸਟੋਨ” ਉੱਤੇ ਇੱਕ ਵਰਕਸ਼ਾਪ ਦਾ ਆਯੋਜਨ ਕੀਤਾ ਗਿਆ।

ਆਰਗੇਨਾਈਜ਼ਿੰਗ ਚੇਅਰਮੈਨ ਡਾ: ਬਲਦੇਵ ਸਿੰਘ ਔਲਖ ਚੀਫ਼ ਯੂਰੋਲੋਜਿਸਟ ਅਤੇ ਟ੍ਰਾਂਸਪਲਾਂਟ ਸਰਜਨ, ਚੇਅਰਮੈਨ ਅਕਾਈ ਹਸਪਤਾਲ, ਸਾਬਕਾ ਪ੍ਰਧਾਨ ਯੂਰੋਲੋਜੀ ਸੋਸਾਇਟੀ ਆਫ਼ ਇੰਡੀਆ, ਉੱਤਰੀ ਖੇਤਰ ਨੇ ਲਾਈਵ ਵਰਕਸ਼ਾਪ ਦਾ ਵਿਸ਼ਾ ਪੇਸ਼ ਕੀਤਾ ਅਤੇ ਕਿਹਾ ਕਿ ਗੁਰਦੇ ਦੀ ਪੱਥਰੀ ਅਤੇ ਪ੍ਰੋਸਟੇਟ ਦੇ ਘੱਟ ਤੋਂ ਘੱਟ ਹਮਲਾਵਰ ਇਲਾਜ ਲਈ ਲੇਜ਼ਰ ਵਧੀਆ ਢੰਗ ਹੈ ।

ਹਾਲ ਹੀ ਦੇ ਸਾਲਾਂ ਵਿੱਚ ਲੇਜ਼ਰਾਂ ਦੀ ਵਰਤੋਂ ਕਰਕੇ ਗੁਰਦੇ ਦੀ ਪੱਥਰੀ ਅਤੇ ਪ੍ਰੋਸਟੇਟ ਦੇ ਇਲਾਜ ਦੀ ਕੁਸ਼ਲਤਾ ਵਿੱਚ ਸੁਧਾਰ ਕਰਨ ਲਈ ਬਹੁਤ ਸਾਰੀਆਂ ਖੋਜਾਂ ਹੋਈਆਂ ਹਨ। ਇੱਕ ਅਜਿਹਾ ਅਗਾਊਂ ਤਰੀਕਾ ਹੈ “ਥੂਲੀਅਮ ਫਾਈਬਰ ਲੇਜ਼ਰ (ਟੀਐਫਐਲ)” ਜੋ ਪ੍ਰੋਸਟੇਟ ਅਤੇ ਪੱਥਰੀ ਦਾ ਇਲਾਜ ਕਰਨ ਲਈ ਇਸਦੀ ਉੱਚ ਲੇਜ਼ਰ ਸ਼ਕਤੀ ਅਤੇ ਸ਼ੁੱਧਤਾ ਦੇ ਕਾਰਨ ਵਧੇਰੇ ਪ੍ਰਭਾਵਸ਼ਾਲੀ ਅਤੇ ਸੁਰੱਖਿਅਤ ਹੈ।। ਇਹ ਮਰੀਜ਼ ਨੂੰ ਵਧੇਰੇ ਆਰਾਮਦਾਇਕ, ਦਰਦ-ਰਹਿਤ, ਕੈਥੀਟਰ ਮੁਕਤ ਬਣਾਵੇਗਾ ਅਤੇ ਅਜਿਹੇ ਮਰੀਜ਼ਾਂ ਨੂੰ ਜਲਦੀ ਤੋਂ ਜਲਦੀ ਡਿਸਚਾਰਜ ਕੀਤਾ ਜਾ ਸਕਦਾ ਹੈ।

ਵਰਕਸ਼ਾਪ ਦਾ ਉਦਘਾਟਨ ਡਾ.ਸ਼ਰਵਣ ਕੁਮਾਰ ਸਿੰਘ ਐਮ.ਬੀ.ਬੀ.ਐਸ., ਐਮ.ਐਸ., ਐਮ.ਸੀ.ਐਚ., ਐਫ.ਏ.ਐਮ.ਐਸ ਪ੍ਰੋਫੈਸਰ ਅਤੇ ਮੁਖੀ ਯੂਰੋਲੋਜੀ ਵਿਭਾਗ ਪੀਜੀਆਈਐਮਈਆਰ ਚੰਡੀਗੜ੍ਹ ਦੁਆਰਾ ਕੀਤਾ ਗਿਆ। ਡਾ.ਸ਼ਰਵਨ ਨੇ ਆਯੋਜਕ ਟੀਮ ਨੂੰ ਵਧਾਈ ਦਿੱਤੀ ਅਤੇ ਗਦੂਦਾਂ ਅਤੇ ਪੱਥਰੀ ਦੇ ਇਲਾਜ ਵਿੱਚ ਮਰੀਜ਼ਾਂ ਦੀ ਦੇਖਭਾਲ ਵਿੱਚ ਬਿਹਤਰੀ ਲਈ ਅਤਿ ਆਧੁਨਿਕ ਸੁਵਿਧਾਵਾਂ ਵਿੱਚ ਇਸ ਹਾਈ-ਤਕਨੀਕੀ ਦੇ ਵਾਧੇ ਲਈ ਅਕਾਈ ਹਸਪਤਾਲ ਨੂੰ ਵਧਾਈ ਦਿਤੀ।