ਪੰਜਾਬ ਨਿਊਜ਼
ਸ਼ਹਿਰਾਂ ਵਿੱਚ 4 ਤੋਂ 6 ਘੰਟੇ ਦੀ ਕਟੌਤੀ, 1570 ਮੈਗਾਵਾਟ ਬਿਜਲੀ ਦੀ ਕਮੀ; ਰੂਪਨਗਰ ਥਰਮਲ ਦਾ ਇੱਕ ਯੂਨਿਟ ਫਿਰ ਬੰਦ
ਲੁਧਿਆਣਾ : ਪੰਜਾਬ ਵਿਚ ਬਿਜਲੀ ਸੰਕਟ ਇਕ ਵਾਰ ਫਿਰ ਡੂੰਘਾ ਹੋ ਗਿਆ ਹੈ। ਹਾਲਾਤ ਇਹ ਹਨ ਕਿ ਕਈ ਸ਼ਹਿਰਾਂ ਚ 4 ਤੋਂ 6 ਘੰਟੇ ਦਾ ਬਿਜਲੀ ਕੱਟ ਲੱਗਾ ਹੋਇਆ ਹੈ। ਸੋਮਵਾਰ ਨੂੰ ਬਿਜਲੀ ਦੇ ਕੱਟਾ ਦੀ ਸਥਿਤੀ ਮਿਲੀ-ਜੁਲੀ ਸੀ, ਜੋ ਮੰਗ ਦੇ ਮੁਕਾਬਲੇ ਬਿਜਲੀ ਦੀ ਘੱਟ ਉਪਲਬਧਤਾ ਦੇ ਸੰਕਟ ਕਾਰਨ ਦੋ ਤੋਂ ਚਾਰ ਹਨ। ਜਿੱਥੇ ਲਹਿਲਾ ਮੁਹੱਬਤ ਥਰਮਲ ਪਲਾਂਟ ਦਾ ਨੁਕਸਦਾਰ ਯੂਨਿਟ ਠੀਕ ਕਰਕੇ ਮੁੜ ਚਲਾਇਆ ਗਿਆ। ਯੂਨਿਟ ਦੇ ਕੰਮ ਕਰਨ ਤੋਂ ਬਾਅਦ ਪਾਵਰਕਾਮ ਨੂੰ ਇਸ ਤੋਂ 169 ਮੈਗਾਵਾਟ ਬਿਜਲੀ ਮਿਲੀ।
ਇਸ ਦੇ ਨਾਲ ਹੀ ਰੂਪਨਗਰ ਥਰਮਲ ਪਲਾਂਟ ਦਾ ਪੰਜਵਾਂ ਯੂਨਿਟ ਜੋ ਕਿ ਦੋ ਦਿਨ ਪਹਿਲਾਂ ਚਲਾਇਆ ਗਿਆ ਸੀ, ਨੂੰ ਮੁੜ ਬੰਦ ਕਰ ਦਿੱਤਾ ਗਿਆ। ਇਸ ਯੂਨਿਟ ਦੇ ਬੰਦ ਹੋਣ ਨਾਲ 150 ਤੋਂ 160 ਮੈਗਾਵਾਟ ਬਿਜਲੀ ਉਤਪਾਦਨ ਘੱਟ ਹੋ ਗਿਆ ਹੈ। ਸੋਮਵਾਰ ਨੂੰ ਪਾਵਰਕਾਮ ਸੂਬੇ ਚ ਕਰੀਬ 10,670 ਮੈਗਾਵਾਟ ਬਿਜਲੀ ਦੀ ਮੰਗ ਦੇ ਮੁਕਾਬਲੇ ਸਿਰਫ 9100 ਮੈਗਾਵਾਟ ਬਿਜਲੀ ਮੁਹੱਈਆ ਕਰਵਾ ਸਕਿਆ। ਇਸ ਕਾਰਨ ਸੂਬੇ ਦੇ ਸ਼ਹਿਰੀ ਤੇ ਪੇਂਡੂ ਖੇਤਰਾਂ ‘ਚ ਅਣਐਲਾਨੇ ਕੱਟ ਲਾਉਣੇ ਪਏ।
ਸੋਮਵਾਰ ਸ਼ਾਮ ਤੱਕ ਸੂਬੇ ਦੇ ਪੰਜ ਥਰਮਲ ਪਲਾਟਾਂ ਵਿਚੋਂ ਪਾਵਰਕਾਮ ਨੂੰ ਰੋਪੜ ਤੋਂ 774 ਮੈਗਾਵਾਟ, ਲਹਿਰਾ ਮੁਹੱਬਤ ਤੋਂ 768 ਮੈਗਾਵਾਟ, ਰਾਜਪੁਰਾ ਤੋਂ 1338 ਮੈਗਾਵਾਟ, ਤਲਵੰਡੀ ਸਾਬੋ ਤੋਂ 1165 ਮੈਗਾਵਾਟ ਅਤੇ ਗੋਇੰਦਵਾਲ ਸਾਹਿਬ ਤੋਂ 219 ਮੈਗਾਵਾਟ ਬਿਜਲੀ ਪ੍ਰਾਪਤ ਹੋਈ। ਇਸ ਤੋਂ ਇਲਾਵਾ ਰਣਜੀਤ ਸਾਗਰ ਡੈਮ ਤੋਂ ਕੁੱਲ 235 ਮੈਗਾਵਾਟ ਬਿਜਲੀ ਪ੍ਰਾਪਤ ਹੋਈ ਅਤੇ ਨਾਲ ਹੀ ਵੱਖ-ਵੱਖ ਹਾਈਡਲ ਪ੍ਰਾਜੈਕਟਾਂ ਤੋਂ ਕੁੱਲ 445 ਮੈਗਾਵਾਟ ਬਿਜਲੀ ਪ੍ਰਾਪਤ ਹੋਈ।
ਪਾਵਰਕਾਮ ਨੂੰ ਸੈਂਟਰਲ ਪੂਲ ਤੋਂ 4334 ਮੈਗਾਵਾਟ ਬਿਜਲੀ ਮਿਲੀ। ਇਸ ਦੇ ਬਾਵਜੂਦ ਸੂਬੇ ਦੇ ਵੱਖ-ਵੱਖ ਸ਼ਹਿਰਾਂ ਚ ਪਾਵਰਵਰਕ ਨੂੰ 4 ਤੋਂ 6 ਘੰਟੇ ਬਿਜਲੀ ਦੇ ਅਣਐਲਾਨੇ ਕੱਟ ਲਗਾਉਣੇ ਪਏ। ਜਲੰਧਰ, ਲੁਧਿਆਣਾ, ਮੁਕਤਸਰ, ਬਰਨਾਲਾ, ਫਾਜ਼ਿਲਕਾ, ਬਟਾਲਾ, ਮਾਨਸਾ, ਮੰਡੀ ਗੋਬਿੰਦਗੜ੍ਹ, ਸੁਨਾਮ ਆਦਿ ਵਿਚ ਲੋਕਾਂ ਨੂੰ ਬਿਜਲੀ ਦੇ ਕੱਟਾਦਾ ਸਾਹਮਣਾ ਕਰਨਾ ਪਿਆ।
